ვლადიმერ წითლანაძე

დაამთავრა თბილისის სახელმწიფო სამედიცინო ინსტიტუტი 1947 წელს.

1947 წელს დაიწყო სამეცნიერო მოღვაწეობა ი. კონიაშვილის სახ. კურორტოლოგიისა და ფიზიოთერაპიის სამეცნიერო-კვლევითი ინსტიტუტის წყალტუბოს ფილიალში; 1964-1975წწ. იყო ამავე ინსტიტუტის დირექტორი; 1976 წელს - ექსპერიმენტული და კლინიკური თერაპიის სამეცნიერო-კვლევითი ინსტიტუტში ართროლოგიური, ხოლო 1978 წლიდან - რევმატოლოგიური განყოფილების გამგე; ამ განყოფილების ბაზაზე მისი ინიციატივითა და ხელმძღვანელობით 1979 წელს შეიქმნა რესპუბლიკური სამეცნიერო-ორგანიზაციული ცენტრი - საქართველოში პირველი სპეციალიზებული სამეცნიერო ქვედანაყოფი ამ დარგში, რითაც საფუძველი ჩაეყარა ქართულ ეროვნულ მეცნიერულ რევმატოლოგიურ სკოლას; მისი ხელმძღვანელობით საქართველოს სახელმწიფო სამედიცინო აკადემიაში დაარსდა რევმატოლოგიის კათედრა; 1983 წლის  მისი ძალისხმევით შეიქმნა საქართველოს რევმატოლოგთა ასოციაცია, რომელიც 1985 წლიდან გაწევრიანდა ევროპულ ანტირევმატულ ლიგაში; მისი მეცნიერული შრომები ეხება ძირითადი რევმატული დაავადებების (ოსტეოართროზი, რევმატოიდული ართრიტი, ბეხტერევის დაავადება, რევმატიზმი, სისტემური წითელი მგლურა და სხვა) დიაგნოსტიკასა და მკურნალობას; მიღებული აქვს სახელმწიფო ჯილდოები; 1998 წლიდან მისი სახელობისაა რევმატოლოგიის სამეცნიერო-პრაქტიკული ცენტრი; რევმატოლოგიის ერთ-ერთი ფუძემდებელი საქართველოში; მედიცინის მეცნიერებათა დოქტორი (1972), პროფესორი (1974). 2017 წლის 28 აპრილს, ქ. თბილისში, ხეივნის II ქუჩას მიენიჭოს აკადემიკოს, რევმატოლოგ ვლადიმერ წითლანაძის სახელი.

წყარო: თბილისი: ენციკლოპედია.- თბ., 2002.-გვ.964

• საქართველოს სამედიცინო აკადემია, წევრი (1994-)

• 1990 - საქართველოს მეცნიერებათა დამსახურებული მოღვაწე