ტარიელ ჭანტურია

დაბადების ადგილი: სოფელი სუფსა, დღევანდელი ლანჩხუთის მუნიციპალიტეტი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1956 წელს.

სხვადასხვა დროს მუშაობდა ჟურნალ "ცისკრის" რედაქციაში, გამომცემლობა "მერანსა" და "ნაკადულში", საქართვეოს მხატვრული თარგმანის სარედაქციო კოლეგიაში, მწერალთა კავშირში ლიტერატურულ კონსულტანტად; 1994 წლიდან ლიტერატურის, ხელოვნებისა და არქიტექტურის დარგის საქართველოს სახელმწიფო პრემიების კომიტეტის თავმჯდომარის მოადგილეა; პირველი ლექსი "ნადირობა" გამოაქვეყნა 1951 წელს ჟურნალ "დროშაში", პირველი კრებული "ლტოლვა" გამოვიდა 1964 წელს; მთავარი პოეტური კრებულებია: "საქანელა", "დასასრული", "გაღმა ნაპირი", "თაფლობის საუკუნე", "სტრესები და სიტყვები", "სიყვარული-რეფრენი", "რჩეული", "მწერლის წითელი წიგნი", "გული მარჯვნივ", "ახალი მთვარე", "ორტომეული", "კოლხური კაპრიჩიო" და სხვა; გამოცემული აქვს წერილებისა და ესეების სამი წიგნი ("ყულაბა სავსე ოცნებით", "დინოზავრიდან დიზაინამდე", "გაყიდე სამოსელი და იყიდე მახვილი"), აგრეთვე საყმაწვილო ლექსების რამდენიმე კრებული; გ. გეგეჭკორთან ერთად თარგმნა ჰ. მელვილის "მობი დიკი ანუ თეთრი ვეშაპი"; მისი პოეზია რეფორმატორული და ექსპერიმენტული ხასიათისაა; ტრადიციულისა და ნოვატორულის შერწყმა, ეროვნული ინტერესებით გამსჭვალვა, ვერსიფიკაციული სიახლეები მის ლექსსა და ესესაც დიდ მნიშვნელობას სძენს; ესეისტი.

წყარო: თბილისი: ენციკლოპედია.- თბ., 2002.-გვ.977; პრემია "საგურამოს" ლაურეატები: 2003-2017 წლები/რედაქტორ-შემდგენლები: ანდრო ბედუკაძე, ლანა უნდილაშვილი.-საგურამო, 2017.-გვ.41

• გელათის აკადემია, წევრი
• საქართველოს ლიტერატურის, ხელოვნებისა და არქიტექტურის სახელმწიფო პრემიების კომიტეტი, თავჯდომარის მოადგილე

• 2022 - თბილისის საპატიო მოქალაქე
• 2016 - ლიტერატურული პრემია "საბა"
  ლიტერატურის განვითარებაში შეტანილი განსაკუთრებული წვლილისთვის
• 2004 - პრემია "საგურამო"
• 1992 - შოთა რუსთაველის სახელობის სახელმწიფო პრემია
• 1977 - გალაკტიონ ტაბიძის სახელობის პრემია

• გული მარჯვნივ : ლექსები (ავტორი). - თბილისი, მერანი, 1995. - 200გვ.
• გაყიდე სამოსელი და იყიდე მახვილი : წერილები (ავტორი). - თბილისი, მერანი, 1993. - 224გვ.
• დინოზავრიდან დიზაინამდე : წერილები, პოლემიკა (ავტორი). - თბილისი, საბჭოთა საქართველო, 1989. - 571გვ.
• უცენზურო ლექსები (ავტორი). - თბილისი, მერანი, 1989. - 189გვ.
• ნეკოდენა : ლექსები; ზღაპარი : უმცრ. სასკ. ასაკის ბავშვებისათვის (ავტორი). - თბილისი, ნაკადული, 1988. - 199 გვ.