აკაკი ჩხენკელი

დაბადების ადგილი: სოფელი ოქუმი (სამურზაყანო).

1912 წელს აირჩიეს რუსეთის იმპერიის IV დეპუტატად ბათუმისა და ყარსის ოლქებიდან და სოხუმის ოკრუგიდან; შედიოდა სათათბიროს სოციალ-დემოკრატიულ ფრაქციაში; ერთ-ერთი პირველი ქართველი მენშევიკია, რომელიც გამოდიოდა ეროვნულ-კულტურულ ავტონომიის მოთხოვნით; 1914 წელს მონაწილეობდა ბრიუსელის თათბირში, რომელიც მოიწვია საერთაშორისო სოციალ-დემოკრატიულმა ბიურომ; 1917 წელს დროებით მთავრობის წარმომადგენელი იყო ამიერკავკასიაში, ამიერკავკასიის განსაკუთრებული კომიტეტის მეთაურის სახით; 1917-1918წწ. იყო ამიერკავკასიის კომისარიატის შინაგან საქმეთა მინისტრი; 1918 წლის აპრილში - ამიერკავკასიის დემოკრატიული ფედერაციული რესპუბლიკის მთავრობის მეთაური; 1918-1921წწ. - საქართველოს დემოკრატიული რესპუბლიკის საგარეო საქმეთა მინისტრი; 1921 წლის იანვრიდან საქართველოს დესპანი საფრანგეთში, იმავე წლიდან ემიგრაციაში წავიდა.

• საქართველოს დამფუძნებელი კრება, წევრი (1919-1921)
• საქართველოს ეროვნული საბჭოს და მისი აღმასკომი, წევრი (1917-1918)
• საქართველოს სოციალ-დემოკრატიული პარტია, წევრი