რუსუდან ხუნწარია

დაამთავრა მოსკოვის კონსერვატორია 1973 წელს (პროფ. ს. ნეიგაუზის კლასი); 1975 წელს კონსერვატორიის ასპირანტურა (ხელმძღვანელი პროფესორი ი. ზაკი).

1969 წლიდან საქართველოს სახელმწიფო ფილარმონიის სოლისტია; მისი შესრულებისათის დამახასიათებელია მაღალი პროფესიული კულტურა, ვირტუოზული ტექნიკა; რეპერტუარში აქვს ქართველი (ო. თაქთაქიშვილის, ა. მაჭავარიანის და სხვა) და საზღვარგარეთელ კომპოზიტორთა (ფ. შოპენის, ვ. ა. მოცარტის, ფ. ლისტის, კ. დებიუსის, ა. სკრიაბინის და სხვა) ნაწარმოებები; ფირმა "მელოდიაში" ჩაწერილი აქვს 8 ფირფიტა (გ. ფ. ჰენდელის, ფ. შოპენის, ფ. ლისტის, ა. სკრიაბინის, ა. მოსოლოვის ნაწარმოებები); ბოლო წლებში აქტიურად იყო ჩართული საქველმოქმედო საქმიანობაში; მან პირველმა შექმნა საქართველოში უპატრონო, მიტოვებული ცხოველების თავშესაფარი და საქველმოქმედო ფონდი "არგუსი".

წყარო: თბილისი: ენციკლოპედია.- თბ., 2002.-გვ.997

• 1983 - საქართველოს დამსახურებული არტისტი
• 1975 - პიანისტთა ვიანა და მოტას სახელობის საერთაშორისო კონკურსი, ლაურეატი (ლისაბონი)