ვლადიმერ კიკნაძე

დაბადების ადგილი: სოფელი კვალითი, ზესტაფონის რაიონი.

დაამთავრა თბილისის სახელმწიფო სამედიცინო ინსტიტუტი 1931 წელს.

1941-1945 წლებში იყო საველე და ევაკოჰოსპიტალების წამყვანი ქირურგი. 1951 წელს დაინიშნა გ. მუხაძის სახელობის ჰემატოლოგიისა და სისხლის გადასხმის სამეცნიერო-კვლევით ინსტიტუტში დირექტორის მოადგილედ სამეცნიერო დარგში. იკვლევდა ჰემატოლოგიის, ტრანსფიზიოლოგიის, დამწვრობის, სხივური დაავადებების საკითხებს. ც. მაკალათიასთან ერთად შექმნა პლაზმის გასაშრობი ახალი ავტომატური აგრეგატი. ქირურგი, მედიცინის მეცნიერებათა დოქტორი (1959), პროფესორი (1960).

წყარო: ქართული საბჭოთა ენციკლოპედია: ტ. 5.- თბ., 1980.- გვ. 513;  საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge;  საქართველო: ენციკლოპედია: ტ.5. -თბ.,2023. -გვ. 31

• სკკპ, წევრი (1942-)

• 1967 - საქართველოს მეცნიერებათა დამსახურებული მოღვაწე