ლევან ჯანდიერი

დაამთავრა საქართველოს პოლიტექნიკური ინსტიტუტის სამშენებლო ფაკულტეტი არქიტექტურის სპეციალობით 1960 წელს.

1960-1969წწ. მუშაობდა "თბილქალაქპროექტში", 1969-1973წწ. - ტიპობრივი და ექსპერიმენტალური დაპროექტების თბილისის ზონალურ ინსტიტუტში, ხოლო 1973 წლიდან გარდაცვალებამდე - კვლავ "თბილქალაქპროექტში"; ძირითადი ნამუშევრები: თბილისში - საცხოვრებელი სახლები ა. წერეთლის პროსპექტზე, ს. კანდელაკისა და ვ. ბარნოვის ქუჩებზე; სატყეო მრეწველობის სამინისტროს ლაბორატორიული კორპუსი (1980), თბილისის ყოფილი პარტიის ლენინის რაიკომის ადმინისტრაციული შენობა (1978), ყოფილი საქართველოს კპ ცკ-ის ადმინისტრაციული შენობა (ყველა - არქიტექ. ვ. აბრამაშვილთან და გ. მირიანაშვილთან ერთად).

წყარო: თბილისი: ენციკლოპედია.- თბ., 2002.-გვ.1003; საქართველოს არქიტექტორთა და მშენებელთა ენციკლოპედია. -თბ., 2017.-გვ.739

• საქართველოს არქიტექტორთა კავშირი, წევრი

• 1985 - შოთა რუსთაველის სახელობის სახელმწიფო პრემია
• 1982 - საქართველოს დამსახურებული არქიტექტორი