თამარ კიკნაძე

დაბადების ადსგილი: ქ. თბილისი.

დაამთავრა თბილისის პროლეტკულტის დრამატული სტუდია 1924 წელს. 

1924-1928 წლებში მუშაობდა თბილისის მუშათა თეატრში; 1928-1929 წლებში  ჭიათურის სახელმწიფო თეატრში; 1930-1932 წლებში ფოთის სახელმწიფო თეატრში, ხოლო 1933-1938 წლებში თბილისის მუსიკალური კომედიის თეატრში. 1938 წლიდან მოღვაწეობდა ქუთაისის სახელმწიფო თეატრში. მის მიერ შესრულებული როლებიდან აღსანიშნავია: კოწიას მეუღლე (შ. დადიანის "გუშინდელნი"), ლაურენსია (ლოპე დე ვეგას "ცხვრის წყარო"), ეკა (დ. კლდიაშვილის "ირინეს ბედნიერება"), ბიანკა, გონერილა (უ. შექსპირის "ჭირვეული ცოლის მორჯულება" და "მეფე ლირი"), რუქაია (ა. სუმბათაშვილის "ღალატი"), კაკალა (პ. კაკაბაძის "კოლმეურნის ქორწინება"), ვარდო (გ. მდივნის "ვარდო") და სხვ. კ-ის ნაყოფიერი სასცენო მოღვაწეობის უმთავრესმა პერიოდმა განვლო ქუთაისის დრამატული თეატრის სცენაზე, სადაც ითვლებოდა დასის ერთ-ერთ წამყვან მსახიობად.

წყარო: ქართული საბჭოთა ენციკლოპედია: ტ. 5.- თბ., 1980.- გვ. 513-514;  საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ. 32

• 1976 - საქართველოს სახალხო არტისტი