დიმიტრი ჯანელიძე

სწავლობდა თბილისის სახელმწიფო უნივერსიტეტში და მოსკოვის უმაღლეს ლიტერატურულ კურსებზე.

სხვადასხვა დროს მუშაობდა სამეცნიერო-კვლევით დაწესებულებებსა და უმაღლეს სასწავლებლებში; 1933 წლიდან პედაგოგიურ მოღვაწეობას ეწეოდა თბილისის სახელმწიფო უნივერსიტეტში და თბილისის დრამატულ სტუდიებში, 1940 წლიდან კი საქართველოს შოთა რუსთაველის სახ. თეატრალურ ინსტიტუტში, სადაც 1970 წლიდან იყო თეატრისა და კინოს ისტორიისა და თეორიის სამეცნიერო-კვლევითი სექტორის ხელმძღვანელი; ქართული საბჭოთა ენციკლოპედიის თეატრის სამეცნიერო სექციის თავმჯდომარე; დიდი საბჭოთა ენციკლოპედიის კონსულტანტი ქართული თეატრის დარგში; მისი მნიშვნელოვანი შრომებია: "პირველი საბჭოთა სპექტაკლი" (1936), "ქართული თეატრის ხალხური საწყისები" (1948, 1983), ქართული თეატრის ისტორია (ტ. II, 1965), "რუსთაველი და სახიობა" (1967); "ვალერიან გუნია" (1963 ), "სახიობა" (ტ.I-3, 1957, 1972, 1980), "ალექსანდრე მრევლიშვილი" (1957), "ქართული თეატრი უძველესი დროიდან XIX საუკუნის მეორე ნახევრამდე" (1959, რუსულ ენაზე) და სხვა; მიღებული აქვს სახელმწიფო ჯილდოები; თეატრმცოდნე, თეატრის ისტორიკოსი და კრიტიკოსი; ხელოვნებათმცოდნეობის დოქტორი (1965), პროფესორი (1966).

წყარო: თბილისი: ენციკლოპედია.- თბ., 2002.-გვ.1003; ქართული საბჭოთა ენციკლოპედია, ტ. 11. -  თბ., 1987. -გვ. 538

• 1985 - კოტე მარჯანიშვილის სახელობის პრემია
• 1982 - საქართველოს მეცნიერებათა დამსახურებული მოღვაწე
• 1958 - საქართველოს ხელოვნების დამსახურებული მოღვაწე
• საპატიო ნიშნის მედალი
• საპატიო ნიშნის ორდენი

• ქართული თეატრის ისტორია : დამხმ. სახელმძღვ. თეატრალური ინ-ტის სტუდენტებისათვის (ავტორი) // წ. 1 : ხალხური საწყისები. - თბილისი, განათლება, 1983. - 383გვ.
• მზეჭაბუკი (ავტორი). - თბილისი, 1980. - 59გვ.
• რუსთაველი და სახიობა (ავტორი). - თბილისი, ლიტერატურა და ხელოვნება, 1967. - 223გვ.
• ქართული თეატრის ისტორია : უძველესი დროიდან XVIII საუკუნემდე (ავტორი). - თბილისი, ლიტერატურა და ხელოვნება, 1965. - 603გვ.
• სახიობა : თეატრალური ნარკვევები და წერილები (ავტორი). - თბილისი, ხელოვნება, 1958. - 225გვ.