იოსებ ჩარკვიანი

დაბადების ადგილი: სოფელი საჩხეური, ლეჩხუმის მაზრა.

დაამთავრა ქ. პეტერბურგის სამხედრო-ქირურგიული აკადემია 1914 წელს.

ქ. ყარსის ციხე-სიმაგრის უმცროსი ექიმი (1914); 1914-1919წწ. პირველი მსოფლიო ომის ირანის ფრონტზე მოქმედი არმიის დრაგუნთა მეცხრამეტე პოლკის უფროსი ექიმი; 1919-1923წწ. ლეჩხუმის სოფელ დერჩში მოაწყო საექიმო პუნქტი და პუნქტის გამგედ დაინიშნა; ქედის რაიონის საავადმყოფოს გამგეა (1923); 1923 წლიდან ბათუმის ქალაქის საავადმყოფოს გამგეა; 1923-1934წწ. ბათუმის ქალაქის საავადმყოფოს გინეკოლოგიური განყოფილების ექიმი-ორდინატორია; 1933-1937წწ. კითხულობდა ლექციებს მეანობა-გინეკოლოგიაში ბათუმის სამედიცინო სასწავლებელში; 1934-1941წწ. იყო ბათუმის ქალაქის სამშობიარო სახლის სამეანო-გინეკოლოგიური განყოფილების გამგე; 1939-1940წწ. ლექციებს კითხულობდა ფიზიოლოგიაში ბათუმის პედაგოგიურ ინსტიტუტში; 1949-1959წწ. ბათუმის მთავარი მეან-გინეკოლოგია; 1949 წლიდან იყო აჭარის რესპუბლიკური საავადმყოფოს გინეკოლოგიური განყოფილების გამგე; ავტორია 50-მდე ნაშრომისა, მათ შორის 1 მონოგრაფიაა; მისი შრომები შეეხება კლინიკური და თერაპიული მეანობისა და გინეკოლოგიის აქტუალურ საკითხებს, რომლებიც იბეჭდებოდა საქართველოსა და საბჭოეთის პრესტიჟულ ჟურნალებში; 1957 წელს მისი თაოსნობით დაარსდა აჭარის მეან-გინეკოლოგთა სამეცნიერო საზოგადოება, რომლის უცვლელი თავმჯდომარე თავად იყო; პირველად მან შეასრულა და დანერგა აჭარაში საშოსმხრივი ექსტირპაციები; მეან-გინეკოლოგი, მეან-გინეკოლოგიური სამსახურის ერთ-ერთი დამაარსებელი აჭარაში, მედიცინის მეცნიერებათა დოქტორი (1939). პროფესორ ლევან ჩარკვიანის მამა.

წყარო: ქართული საბჭოთა ენციკლოპედია: ტ. 11.-თბ., 1987.-გვ.83; საქართველოს სამედიცინო კალენდარი, 2006 წელი / ჯუმბერ ქორჩილავა .-თბ.,2006.-გვ.763-765; კარგ ქართველთა საფლავები: geonecropol.ge; ი. ი. ჩარკვიანი : ნეკროლოგი // კომუნისტი. - თბილისი, 1959. - 24 სექტემბერი. -გვ.4

• აჭარის მეან-გინეკოლოგთა საზოგადოება, თავმჯდომარის მოადგილე
• აჭარისა და საქართველოს ექიმთა საზოგადოება, წევრი
• სკკპ, წევრი (1947-)

• 1951 - ლენინის ორდენი
• 1948 - მედალი "ჯანმრთელობის დაცვის ფრიადოსანი"
• 1941 - საქართველოს დამსახურებული ექიმი
• მედალი "კავკასიის დაცვისთვის"
• მედალი "1941-1945 წლებში დიდ სამამულო ომში მამაცური შრომისთვის"