გიორგი ჩიკვაიძე

საქართველოში საბჭოთა ხელისუფლების პირველი დღეებიდანვე რესპუბლიკაში ფიზკულტურულ-სპორტული მოძრაობის ერთერთი ხელმძღვანელი იყო. იგი მუშაობდა ფიზკულტურული და სპორტის უმაღლესი საბჭოს, მისი რეორგანიზაციის შემდეგ კი საქართველოს ფიზკულტურული და სპორტის კომიტეტის თავმჯდომარის მოადგილედ. 1947 წლიდან გარდაცვალებამდე საქართველოს ფიზკულტურული და სპორტის სამეცნიერო კვლევითი ინსტიტუტის დირექტორი იყო. მას დიდი ღვაწლი მიუძღვის საქართველოში ძალოსნობის, მძლეოსნობისა და სპორტის მრავალი სახეობის განვითარებაში. მისმა სამეცნიერო შრომებმა ხელი შეუწყო ძალოსანთა ვარჯიშის მეთოდიკის დახვეწასა და სპორტის შედეგების პროგრესს. თანამედროვე საბჭოთა სპორტის ერთერთი ფუძემდებელი საქართველოში. პირველი ქართველი მსოფლიო რეკორდსმენი.

წყარო: ქართული საბჭოთა ენციკლოპედია: ტ. 11.-თბ., 1987.-გვ.118; http://dspace.nplg.gov.ge//handle/1234/83462

• 1961 - სსრკ სპორტის დამსახურებული ოსტატი
• 1915 - მსოფლიო რეკორდსმენი , ძალოსნობა (ქ. კიევი)