გივი თოდაძე

დაბადების ადგილი: ქ. ქუთაისი.

დაამთავრა თბილისის სამხატვრო აკადემია 1951 წელს.

1951–1992 წწ. მუშაობდა არქიტექტორად სხვადასხვა საპროექტო ორგანიზაციებში: "ქუთოლქპროექტი", "საქქალაქმშენსახპროექტის" ქუთაისის ფილიალი, "ქუთქალაქპროექტი" და სხვ.; 1975-1976 წწ. იყო ქუთაისის მთავარ მხატვრად; 1992 წლიდან იყო ინდივიდუალური საწარმოს "იერსახეს" დირექტორი. ძირითადი ნამუშევრები: მაუდის ფაბრიკის საბავშვო ბაღი (ქუთაისი, 1957, არქიტ. თ. კოპტანაშვილთან ერთად); რუსთაველის სახელობის ხიდი (1965; ინჟ. გ. ჩომახიძე), სამხატვრო გალერეა (1976, არსებული შენობის რეკონსტრუქცია არქიტ. ს. გაგუასთან ერთად); მეგობრობის მემორიალი "ნიკეა - ქუთაისი" (1985, არქიტ. გ. ჯაბუასთან ერთად, მოქანდაკე – გ. ნიკოლაძე); ქორწინების სახლი (თერჯოლა, 1965), სამხატვრო გალერეა (თერჯოლა, 1967). 2011 წელს მიენიჭა არქიტექტურის რაინდის წოდება.

წყარო: საქართველო: ენციკლოპედია: ტ. IV. -თბ., 2018. -გვ.77-78; წიგნი ღირსებისა: ტ. 1/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2000. - გვ.412

• 2017 - ღირსების ორდენი
  ქუთაისის განვითარებაში შეტანილი განსაკუთრებული წვლილისათვის
• 2003 - ქუთაისის საპატიო მოქალაქე
• 2000 - თერჯოლის საპატიო მოქალაქე
• 1996 - ღირსების ორდენი
  ქართული არქიტექტურის განვითარებაში შეტანილი დიდი წვლილისა და ნაყოფიერი პედაგოგიური მოღვაწეობისათვის იმერეთის მხარისა და ქ. ქუთაისის არქიტექტურისა და მშენებლობის საქმეში
• 1967 - საქართველოს დამსახურებული არქიტექტორი