ელიზბარ ღონიაშვილი

დაბადების ადგილი: ქ. ყვარელი.

დაამთავრა საქართველოს პოლიტექნიკური ინსტიტუტი 1956 წელს. 

მუშაობდა სამგორის ჰიდროელექტროსადგურების მორიგე ინჟინრად, ელექტროტექნიკურ სამეცნიერო-კვლევით ინსტიტუტში უმცროს მეცნიერ-მუშაკად, რუსთავის საპროექტო-საკონსტრუქტორო ინსტიტუტში უფროს ინჟინრად. 1961 წლიდან მუშაობდა საქართველოს პოლიტექნიკური ინსტიტუტის სამრეწველო საწარმოთა ელექტრომოწყობილობის კათედრაზე. აქვს 11 საავტორო მოწმობა გამოგონებაზე, 40-ზე მეტი სამეცნიერო შრომა. გამოქვეყნებული აქვს 2 სახელმძღვანელო ენერგეტიკის ფაკულტეტის სტუდენტებისათვის და ინჟინრებისთვის, მრავალი სასწავლო ამოცანა და მეთოდური მითითება. მის მაგისტრანტებსა და დოქტორანტებს საქართველოსა და მსოფლიო წამყვან ჟურნალებში მისი დახმარებით გამოქვეყნებული აქვთ სამეცნიერო ნაშრომები. ტექნიკურ მეცნიერებათა კანდიდატი (1978), პროფესორი (1988).

წყარო: ქართული საბჭოთა ენციკლოპედია: ტ.10-თბ., 1986.-გვ.596; საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.349-350

• სკკპ, წევრი (1962-)

• 1981 - სსრკ სახელმწიფო პრემია (ერთობლივი გამარჯვება)

• ტიპური საწარმოო მექანიზმების ავტომატიზებული ელექტროამძრავები : სახელმძღვ. ტექნ-უნტის სტუდ. (თანაავტორი). - თბილისი, განათლება, 1992. - 348გვ.. - ISBN: 5505014666
• ლაბორატორიული სამუშაოები ავტომატური რეგულირების თეორიაში (თანაავტორი) // ნაწ. 1. - თბილისი, საქართველოს პოლიტექნიკური ინსტიტუტი, 1979. - 43გვ.