მიხეილ კიკნაძე

დაბადების ადგილი: სოფელი პატარა ხარაგაული, ხარაგაულის რაიონი.

დაამთავრა მეთაურთა გაერთიანებული ქართული სამხედრო სკოლის არტილერისტთა განყოფილება 1929 წელს; 1932 წელს ქალაქ სევასტოპოლის საზენიტო კურსები, შემდეგ კი უმაღლესი საარტილერიო კურსები.

1938 წლიდან იყო საარტილერიო პოლკის მეთაური. მონაწილეობდა მოსკოვის დაცვისთვის საჰაერო ბრძოლებში. 1943 წლის აპრილში პოლკის ბაზაზე გვარდიული დივიზია შეიქმნა, რომლის მეთაურადაც მ. კიკნაძე დაინიშნა. ომის შემდეგ ხელმძღვანელობდა ჰაერსაწინააღმდეგო თავდაცვას. 1960 წლიდან თადარიგში იმყოფებოდა. სიცოცხლის ბოლომდე ცხოვრობდა და მოვაწეობდა ქ. მოსკოვში. გენერალ-მაიორი (1944), არტილერისტი.

წყარო: ქართული საბჭოთა ენციკლოპედია: ტ. 5.- თბ., 1980.- გვ. 514; საქართველო: ენციკლოპედია: ტ.5. -თბ.,2023. -გვ. 33

• სკკპ (1938-)

• წითელი ვარსკვლავის ორდენი
• წითელი დროშის ორდენი
• სამამულო ომის II ხარისხის ორდენი
• ლენინის ორდენი