გენო აბალაკი

დაბადების ადგილი: სოფელი ბერბუკი, გორის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი საავტომობილო გზების მშენებლობის სპეციალობით 1970 წელს.

1962-1968წწ. მუშაობდა საქართველოს მშენებლობის სამინისტროს N9 სამშენებლო ტრესტის N10 მოძრავ-მექანიზებულ კოლონაში, ხოლო 1968 წლიდან სპეცსამშენებლო N5 მოძრავ-მექანიზებულ კოლონაში მექანიკოსად; 1969-1970წწ. "საქსოფლტექნიკის" ჟანგბადის სადგურის უფროსად, ხოლო 1970 წლიდან "საქსოფლტექნიკის" ხის დამამუშავებელი საამქროს ინჟინრად; 1973 წლიდან "საქსოფლტექნიკის"  გორის რაიგანყოფილების ხე-ტყის გადამამუშავებელი საამქროს უფროსია; 1974 წლიდან ტრესტ "საქსოფლმშენინდუსტრიის" რკინაბეტონის ქარხნის დირექტორი; 1975-1978წწ. მუშაობდა ინდივიდუალური ბინათმშენებლობის სარაიონთაშორისი სამმართველოს უბნის უფროსად; 1978-1984წწ. სასოფლო-საბინაო კომუნალური მეურნეობის სამეურნეობათაშორისი გაერთიანების დირექტორად; 1984-1998წწ. იყო საქართველოს საავტომობილო გზების სამინისტროს გორის რაიონის საწარმოო-საგზაო უბნის უფროსი; 1998-2010წწ. შპს "საგზაო სამშენებლო სამმართველო N1" -ის დირექტორი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.- გვ.27; წიგნი ღირსებისა: ტ. 6/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.252

• 2001 - ღირსების მედალი