ზურაბ აბაშიძე

დაბადების ადგილი: ქ. ბათუმი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი ინჟინერ-მშენებლის კვალიფიკაციით 1969 წელს.

1969 წელს მუშაობა დაიწყო საპროექტო ინსტიტუტ "საქქალაქმშენსახპროექტში" ინჟინერ-კონსტრუქტორად; 1970-1971წწ. გაიარა სავალდებულო სამხედრო სამსახური საბჭოთა არმიის რიგებში, ყაზახეთის სსრ-ში. ინჟინერ-ლეიტენანტის წოდებით მუშაობდა სამუშაოთა მწარმოებლად მიწისქვეშა სარაკეტო ბაზების მშენებლობაზე; მონაწილეობდა სარაკეტო წერტილების ავარიის ლიკვიდაციის სამუშაოებში; 1970-1981წწ. მუშაობდა ინჟინრად და პარალელურად სწავლობდა ასპირანტურაში.; იყო საქართველოს მეცნიერებათა აკადემიის სამშენებლო მექანიკისა და სეისმომედეგობის ინსტიტუტის მეცნიერ-მუშაკი; 1981 წელს აირჩიეს ინსტიტუტის ახალგაზრდა მეცნიერთა საბჭოს თავმჯდომარედ, 1982 წელს ინსტიტუტის სამეცნიერო საბჭოს წევრად; საქართველოს მეცნიერებათა აკადემიის სამშენებლო მექანიკისა და სეისმომედეგობის ინსტიტუტთან არსებული ინჟინერ-ტექნიკური პერსონალის კვალიფიკაციის ამაღლების კურსებზე კითხულობდა ლექციებს შენობა-ნაგებობათა სეისმომედეგობის საკითხებზე; 1981-1991წწ. მუშაობდა საქართველოს მშენებლობის საქმეთა სახელმწიფო კომიტეტში, მეცნიერებისა და ახალი ტექნიკის განყოფილების უფროსის მოადგილედ, საქართველოს მშენებლობის სახელმწიფო ინსპექციის უფროსად, საქართველოს მშენებლობის მთავარ ინსპექტორად; მონაწილეობდა სპიტაკის (სომხეთი) და რაჭის მიწისძვრის შედეგების ლიკვიდაციის სამუშაოებში; 1989 წელს მივლინებული იყო თურქეთის რესპუბლიკაში, ექსპერტთა ჯგუფის ხელმძღვანელად, 9-ბალიანი მიწისძვრის შედეგების ლიკვიდაციის სამუშაოებში მონაწილეობის მიღების მიზნით; ტექნიკურ მეცნიერებათა კანდიდატი; შემდეგ დოქტორი; გამოქვეყნებული აქვს 17 სამეცნიერო ნაშრომი; მიღებული აქვს სახელმწიფო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.- გვ.28-29

• საქართველოს ცენტრალური საარჩევნო კომისია, თავმჯდომარის მოადგილე
• საქართველოს ცენტრალური საარჩევნო კომისია, წევრი (1992-2004)

• საპატიო სიგელი
  გამოჩენილი სიმამაცისათვის