თეიმურაზ აბაშიძე

დაბადების ადგილი: ქ. ბათუმი.

დაამთავრა საქართველოს პოლიტექნიკური ინსტიტუტი არქიტექტურის სპეციალობით 1954 წელს.

1954-1957წწ. მუშაობდა საპროექტო ინსტიტუტ "სოიუზგიპროტორგის" თბილისის ფილიალში - არქიტექტორად; 1957-1965წწ. საპროექტო ინსტიტუტ "თბილქალაქპროექტში" - მთავარ არქიტექტორად; 1965-1969წწ. საქართველოს ტურიზმის საბჭოს თავმჯდომარის მოადგილე მშენებლობის დარგში; 1969-1970წწ. საწარმოო-ტექნიკური განყოფილების უფროსი; 1970-1973წწ. მუშაობდა თბილისის სამხატვრო აკადემიის საპროექტო ბიუროში მთავარ ინჟინრად; 1973-1977წწ. IV სახელოსნოს უფროსის მოადგილედ; 1977-1988წწ. საპროექტო ინსტიტუტ "ტურისტპროექტის" თბილისის ფილიალში - მთავარ არქიტექტორად; 1988-1999წწ. საქართველოს სპეციალიზებული საპროექტო-საძიებო ჯგუფის უფროსად; 1971-1976წწ. იყო თბილისის სამხატვრო აკადემიის არქიტექტურის ფაკულტეტისა და 1973-1976წწ. საქართველოს პოლიტექნიკური ინსტიტუტის არქიტექტურული კონსტრუქციების კათედრის პედაგოგი; მისი ნამუშევრებია: სპორტის სასახლე (1956-1961), ბავშვთა სპორტული სკოლა ფიგურული სრიალისთვის (1962-1964), "ლოკომოტივის" სტადიონი (რეკონსტრუქცია-გაფართოება - 1961-1962), რესტორანი "თბილისის ზღვა" (1958-1964), საქართველოს უმაღლესი საბჭოს პრეზიდიუმის საცხოვრებელი სახლი (1961-1963), ავეჯის სახლი (1974), საწარმოო ტრესტ "საქსამთოქიმიისა" და "საქმთავარნავთობმომარაგების" ადმინისტრაციულ და საწარმოო-ლაბორატორიულ შენობათა კომპლექსი (1977-1984); ასევე: 100 სააგარაკო სახლი წყნეთში (1960-1965), დედათა და ბავშვთა საზაფხულო ტურბაზა შოვში (1968-1970), ვაჭრობის სახლი კისლოვოდსკში (1958-1962), მცხეთის, გორის, ჯავისა და ტამიშის წლიური მოქმედების ტურბაზები (1984-1989), ასეთივე ტურბაზები (განაშენიანება) - როსტოვში, ჩეჩნეთსა (კურირტ ბენოიზე) და ბურიატ-მონღოლეთში (1986-1987).

წყარო: საქართველოს არქიტექტორთა და მშენებელთა ენციკლოპედია. -თბ., 2017.- გვ.29-30

• საქართველოს არქიტექტორთა კავშირი, წევრი