გურამ აბულაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი არქიტექტურის სპეციალობით 1964 წელს.

1964-1968წწ. მუშაობდა საპროექტო ინსტიტუტ "თბილქალაქპროექტის" არქიტექტორად, უფროს არქიტექტორად, ჯგუფის ხელმძღვანელად, პროექტის მთავარ არქიტექტორად; 1969-1972წწ. კომბინატ "თბილქალაქგაფორმების" საპროექტო ჯგუფის უფროსად; 1975-1981წწ. საქართველოს პოლიტექნიკური ინსტიტუტის არქიტექტურის ფაკულტეტის სტუდენტთა საპროექტო ბიუროს უფროსად; 1984-1987წწ. ხელმძღვანელობდა კომბინატს "თბილქალაქგაფორმება"; 1987-1991წწ. თბილისის საქალაქო საბჭოს დიზაინისა და კეთილმოწყობის სამმართველოს საპროექტო კანტორას; 1991-1996წწ. იყო საქართველოს ტექნიკური უნივერსიტეტის არქიტექტურის ინსტიტუტის დირექტორის მოადგილე; 1996 წლიდან დიზაინის კათედრის დოცენტი; მისი ძირითადი ნამუშევრებია: საცურაო აუზი თბილისში, თბილისის აეროპორტის ტრასისა და საქართველოს სამხედრო გზის "თბილისი-მცხეთის" მონაკვეთის კეთილმოწყობა, გაფართოება-რეკონსტრუქცია და არქიტექტურულ-მხატვრული გაფორმება, მიწისქვეშა გადასასვლელი (ჭავჭავაძის გამზირიდან ატენის ქუჩაზე), ვერის პარკის რეკონსტრუქცია, თბილისის სახელმწიფო კონსერვატორიის დიდი დარბაზის რეკონსტრუქცია-რესტავრაცია, თბილისის კულტურის სახელმწიფო ინსტიტუტისა და ალ. ჭავჭავაძის წინანდლის სახლ-მუზეუმის რეკონსტრუქცია-რესტავრაცია; არის 200-მდე პროექტისა და 20-მდე სამეცნიერო-პუბლიცისტური ნაშრომის ავტორი; წარმატებები აქვს მოპოვებული საბჭოთა კავშირისა და საქართველოს არქიტექტორთა ნამუშევრების კონკურსებზე, ბათუმის ზღვისპირა პარკის რეკონსტრუქციის კონცეფცია-პროექტირების (1995), იერუსალიმის ქართულიკულტურის ცენტრის (1997), საქართველოს არქიტექტორთა კავშირის "წლის საუკეთესო ნამუშევრების" (1998წ., I პრემია) კონკურსებზე.

წყარო: საქართველოს არქიტექტორთა და მშენებელთა ენციკლოპედია. -თბ., 2017. გვ.33-34

• საქართველოს არქიტექტორთა კავშირი, წევრი
• საქართველოს დიზაინერთა კავშირი, წევრი