ვაჟა ადეიშვილი

დაბადების ადგილი: ქ. ხაშური.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1965 წელს.

შრომითი საქმიანობა დაიწყო თბილისის ვაგონშემკეთებელი ქარხნის კაპიტალური მშენებლობის განყოფილებაში; 1970 წლიდან პარტიულ სამუშაოზეა: 1975-1980წწ. იყო საქართველოს კპ ლენინის რაიკომისა და თბილისის ქალაქკომის მშენებლობისა და საქალაქო მეურნეობის განყოფილების ინსტრუქტორი, ქ. თბილისის ლენინის რაიონის რაიკომის მდივანი, რაისაბჭოს აღმასკომის თავმჯდომარე. 1981 წელს მუშაობდა მშენებლობის სამინისტროს სამშენებლო-სამონტაჟო საწარმოო გაერთიანების უფროსის მოადგილედ; სს "თბილქალაქმშენის" მთავარი მენეჯერი; მონაწილეობდა გლდანის მასივის, ვარკეთილის, ვაზისუბნის, ფონიჭალისა და დიდი დიღმის დასახლებების განაშენიანება-კეთილმოწყობაში; ჩერნობილის ატომური სადგურის ავარიისა და საჩხერეში მიწისძვრის შედეგად დანგრეული საცხოვრებელი სახლების სამშენებლო კადრებთ უზრუნველყოფას.

წყარო: საქართველოს არქიტექტორთა და მშენებელთა ენციკლოპედია. -თბ., 2017.- გვ.37