ნოდარ ადეიშვილი

დაბადების ადგილი: ქ. სამტრედია.

დაამთავრა თბილისის რკინიგზის ტრანსპორტის ინჟინერთა ინსტიტუტის სამშენებლო ფაკულტეტი, ხიდების და გვირაბების მშენებლობის სპეციალობით.

შრომითი საქმიანობა დაიწყო საქართველოს სოფლის მეურნეობის სამინისტროს სამშენებლო-სამეურნეო ტრესტში ინჟინრად, სამუშაოთა მწარმოებლად; ტექნიკური განყოფილების უფროსის მოადგილედ, უფროსად; 1963 წელს გადაიყვანეს საქართველოს მშენებლობის სამინისტროს სამშენებლო ტრესტ "საქსოფლმშენის" მარნეულის სამშენებლო სამმართველოს მთავარ ინჟინრად; 1964 წელს საშენი მასალების კომბინატის მთავარ ინჟინრად, კომბინატის დირექტორად; 1967 წელს დაინიშნა საქართველოს სასოფლო მშენებლობის სამინისტროს N6 სამშენებლო ტრესტის N14 მოძრავი მექანიზებული კოლონის უფროსად; 1968 წელს N2 მოძრავი მექანიზებული კოლონის უფროსად; 1972 წელს საქართველოს სასოფლო მშენებლობის სამინისტროს N6 სამშენებლო ტრესტის მთავარ ინჟინრად და N1 მოძრავი მექანიზებული კოლონის უფროსად; 1974 წლიდან საქართველოს სასოფლო მშენებლობის სამინისტროს ტრესტ "საქსოფლმშენინდუსტრიის" მმართველია; 1980-1984წწ. მუშაობდა 74-ე სამშენებლო სამმართველოს უფროსად; 1984-1987წწ. N25 სამშენებლო ტრესტის მმართველის მოადგილედ; 1987 წლიდან მუშაობდა საქართველოს ადგილობრივი მრეწველობის სამინისტროს სამშენებლო-სამონტაჟო ტრესტის მმართველად; ხელმძღვანელობდა სასოფლო-სამეურნეო, გადამუშავებელი მრეწველობის, სოციალურ-კულტურული და საცხოვრებელი დანიშნულების რიგი ობიექტების, მათ შორის, კოდის, გამარჯვების მეფრინველეობისა და საექსპლუატაციოდ გადაცემას; მისი მონაწილეობით აშენებულია მრავალი საშუალო სკოლა და საცხოვრებელი სახლი რესპუბლიკის მასშტაბით: მარიონეტების თეატრი თბილისში, ახალგაზრდული დასახლება შავნაბადაზე და ა.შ.; მის სახელთანაა დაკავშირებული მრავალი ახალი, საინტერესო ტექნოლოგიის დანერგვა მშენებლობის ინდუსტრიაში.

წყარო: საქართველოს არქიტექტორთა და მშენებელთა ენციკლოპედია. -თბ., 2017. გვ.38

• საქართველოს დამსახურებული ინჟინერი
• მედალი "შრომითი მამაცობისთვის"