ალექსანდრე ალიმბარაშვილი

დაბადების ადგილი: ქ. თბილისი.

დაამთავრა ლენინგრადის ავტოსაგზაო ინსტიტუტის სამშენებლო ფაკულტეტი საავტომობილო გზებისა და ხიდების მშენებლობის სპეციალობით 1930 წელს.

გზების დაპროექტების საკავშირო ინსტიტუტის ფილიალის გახსნის დღიდან მუშაობდა ინჟინრად, განყოფილების გამგედ; 1945 წელს დაინიშნა ფილიალის დირექტორად. ამ პოსტზე მან თითქმის სამი ათეული წელი იმუშავა; 1945-1975წწ. გზების დაპროექრების ქართველი სპეციალისტებისათვის დიდი წარმატებების პერიოდი იყო; 1955 წლამდე ქართველი სპეციალისტები მუშაობდნენ საბჭოთა კავშირის მთაგორიან რეგიონებში: შუა აზიაში, კავკასიაში, პამირზე; 1955 წლიდან კი მათი ოსტატობის აღიარება მოხდა საერთაშორისო მასშტაბით; მისი ხელმძღვანელობით ქართველმა სპეციალისტებმა დაიწყეს გზების დაპროექტება ერაყში, ავღანეთში, სირიაში, კუბაზე, მადაგასკარზე და სხვა ქვეყნებში; მათი წარმატებული მოღვაწეობა გრძელდებოდა 1990 წლამდე, სსრკ-ს დაშლამდე; მისი ხელმძღვანელობით გზების დაპროექტების ქართულმა სკოლამ საერთაშორისო ავტორიტეტი და აღიარება მოიპოვა; 1975 წლიდან იყო საკავშირო სატრანსპორტო მშენებლობის სამინისტროს "გლავტრანსპროექტის" წარმომადგენელი საქართველოში.

წყარო: საქართველოს არქიტექტორთა და მშენებელთა ენციკლოპედია. -თბ., 2017. გვ.42

• მედალი "შრომითი მამაცობისთვის"
• საპატიო ნიშნის ორდენი