ნუკრი ალხაზაშვილი

დაბადების ადგილი: ქ. თბილისში.

დაამთავრა თბილისის სამხატვრო აკადემიის არქიტექტურის ფაკულტეტი 1962 წელს.

1962-1964წწ. მუშაობდა საპროექტო ინსტიტუტების: საქქალაქმშენსახპროექტის" N5  და 1964-1965 წწ. "თბილზნიიეპის" N1  სახელოსნოებში არქიტექტორად, 1965-1969წწ. საქართველოს კულტურის სამინისტროს სპეციალურ სამეცნიერო-სარესტავრაციო სახელოსნოში არქიტექტორ-რესტავრატორად; 1969 წლიდან საქართველოს მეცნიერებათა აკადემიის დ. ჩუბინაშვილის სახელობის ქართული ხელოვნების ისტორიის ინსტიტუტის არქიტექტურის განყოფილებაში მეცნიერ-თანამშრომლად; 1973-1978წწ. იყო საქართველოს მეცნიერებათა აკადემიის პრეზიდიუმთან არსებული სამეცნიერო-მეთოდური საბჭოს სწავლული მდივანი; 1976-1977წწ. გარეჯის სამონასტრო კომპლექსის მუდმივმოქმედი სახელმწიფო კომისია-ექსპედიციის ხელმძღვანალი; 1978-1981წწ. საქართველოს კულტურის სამინისტროს ძეგლთა რესტავრაციისა და ადაპტაციის სამმართველოს უფროსი; 1979-1982წწ. საქართველოს საპატრიარქოს მთავარი არქიტექტორი; 1982-1992წწ. თბილისის სახელმწიფო უნივერსიტეტის მეორადი ფაკულტეტისა და "მცირე აკადემიის" პედაგოგი; 1995 წლიდან ხელმძღვანელობს თბილისის სახელმწიფო ინსტიტუტის ფოლკლორული კვლევის ლაბორატორიის "V სექტორს"; არის სიძველეთა დაცვისა და საკულტო ნაგებობების არქიტექტურული დაპროექტების მეთოდიკის კვლევის ს/კ სექტორის დამფუძნებელი თბილისის კულტურის სახელმწიფო ინსტიტუტში; ქართული ხელოვნებისადმი მიძღვნილი IV (1983) და VI (1989) სიმპოზიუმების, ევროპის საერთაშორისო საუნივერსიტეტო ცენტრის სემინარისა (იტალია, 1991) და ამიერკავკასიის ქვეყნების არქიტექტორთა ერევნის გამოფენის (1964) მონაწილე; გამოცემული აქვს სამეცნიერო ნაშრომი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.43-44

• არქიტექტორთა კავშირის საკონსულტაციო საბჭო, წევრი