ირაკლი ამირეჯიბი

დაბადების ადგილი: ქ. თბილისი.

დაამთავრა საქართველოს სახელმწიფი სამშენებლო ინსტიტუტი ინჟინერ-მშენებლის კვალიფიკაციით 1932 წელს.

1932-1934წწ. მუშაობდა საკავშირო სამშენებლო ტრესტ "ჰიდროენერგომშენის" ამიერკავკასიის გამყოფილების ინჟინერ-დამპროექტებლად; 1935-1937წწ. ხრამჰეს-1 სამშენებლო სამმართველოს ინჟინერ-დამპროექტებლად; 1937-1941წწ იყო საკავშირო საპროექტო ინსტიტუტ "ჰიდროენერგოპროექტის" თბილისის განყოფილების ჯერ უფროსი ინჟინერი, შემდეგ "ხრამჰეს-1" ძალოვანი კვანძის დამპროექტებელთა ჯგუფის ხელმძღვანელი; 1941-1945წწ. მონაწილეობდა მეორე მსოფლიო ომში საბჭოთა არმიის რიგებში; 1945-1950წწ. საკავშირო საპროექტო ინსტიტუტ "ჰოდროენერგოპროექტის" თბილისის განყოფილების "ხრამჰესის" სექტორის უფროსი; 1950-1955წწ. ეზმინჰესის სექტორის უფროსი და მთავარი ინჟინერი; 1955-1959წწ. "ჰიდროპროექტის" თბილისის განყოფილების ნამახვანჰესის პროექტის მთავარი ინჟინერი; 1959-1969წწ. ენგურჰესის სექტორის უფროსი, ენგურჰესის პროექტის პირველი მთავარი ინჟინერი.

წყარო: საქართველოს არქიტექტორთა და მშენებელთა ენციკლოპედია. -თბ., 2017. გვ.45; საქართველოს ენერგეტიკოსები=Georgian Power Engineers: ენციკლოპედია.- თბილისი,. 2010.- გვ.13

• საქართველოს დამსახურებული ინჟინერი
• მედალი "შრომითი მამაცობისთვის"
• მედალი "საბრძოლო დამსახურებისთვის"
• საპატიო ნიშნის ორდენი