შოთა ამიჩბა

დაბადების ადგილი: სოფელი ჯგერდაში, ოჩამჩირის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი, სამრეწველო-სამოქალაქო მშენებლობის სპეციალობით 1958 წელს.

1958-1967წწ. მუშაობდა საქართველოს მშენებლობის სამინისტროს N6 სამშენებლო ტრესტის N1 და N5 სამშენებლო სამმართველოებში სამუშაოთა მწარმოებლად, უბნის უფროსად; 1967-1970წწ. იმავე ტრესტის სამრეწველო საწარმოთა კომბინატის მთავარ ინჟინრად, დირექტორად, მცირე მექანიზაციის სამმართველოს უფროსად; 1970-1974წწ. მუშაობდა საკავშირო დაქვემდებარების ტრესტ "ნოვოროსიისკმორსტროის" (ნოვოროსიისკის საზღვაო მშენებლობის) N9 მცურავი სამშენებლო რაზმის უფროსის მოადგილედ; 1974-1982წწ. საქართველოს საბინაო-კომუნალური მეურნეობის სამინისტროს ნაპირსამაგრ ნაგებობათა ექსპლუატაციის რესპუბლიკური სამმართველოს მთავარ ინჟინრად; 1982-1987წწ. იყო საქართველოს მინისტრთა საბჭოსთან არსებული სამეცნიერო-საწარმოო გაერთიანება "საქნაპირდაცვის" ნაპირსამაგრ ნაგებობათა და დამხმარე საწარმოთა ექსპლუატაციის რესპუბლიკური სამმათველოს მთავარი ინჟინერი, უფროსი; 1987-1993წწ. სამშენებლო სამმართველოს "კარიერლანდშაფტმშენის" უფროსი; დიდი წვლილი აქვს შეტანილი საქართველოს, კერძოდ, აფხაზეთის შავი ზღვის სანაპირო ზოლისა და მდინარეებზე ნაპირდამცავ ნაგებობათა მშენებლობასა და ბუნებრივი ლანდშაფტების გაკეთილშობილებაში.

წყარო: საქართველოს არქიტექტორთა და მშენებელთა ენციკლოპედია. -თბ., 2017. გვ.46