ივანე შახელი

დაბადების ადგილი: ქ. ცხინვალი.

დაამთავრა თბილისის 45-ე საშუალო სკოლა; შემდეგ სწავლობდა კოტე მარჯანიშვილის სახელობის თეატრთან არსებულ სტუდიაში, მონაწილეობდა სტუდიის სპექტაკლებში.

1937-1949წწ. იყო თბილისის მოზარდ მაყურებელთა თეატრის მსახიობი. ამ თეატრის სცენაზე განსახიერებული როლებიდან აღსანიშნავია: პარისი, ჰორტენზიო (უ. შექსპირის "რომეო და ჯულიეტა", "ჭირვეულის მორჯულება"), ოქტავი (მოლიერის "სკაპენის ოინები"), კადუშკინი (ა. ანტონოვის "ჩვენი ახალგაზრდობა"), ჰოლდი (ბრუნშტეინის "გაგრძელება იქნება"), ხასანი (დ. ჭონქაძის "სურამის ციხე") და სხვა. 1950-1955წწ. იყო ბათუმის სახელმწიფო ქართული თეატრის მსახიობი. ძირითადად თამაშობდა სახასიათო როლებს, რომელთა შორის აღსანიშნავია: ვარსკვლავთმრიცხველი (ნ. ჰიქმეთის "ლეგენდა სიყვარულზე"), პარდკასლი (ი. გოლდსმიტის "ერთი ღამის შეცდეომები"), ევგენი (მ. გორკის "ვასა ჟელეზნოვა"), პოლკოვნიკი (პ. ლორიას "ნაირა"), ბალაშოვი (მ. მრევლისვილის "ბარათაშვილი"), სილვიო (კ. გოლდონის "ორი ბატონის მსახური"), შალვა (კ. ბუაჩიძის "ფაქიზი განცდები"), ანდუყაფარი (ვ. კანდელაკის "მაია წყნეთელი") და სხვა.; 1955 წელს მიიწვიეს თბილისის თოჯინების ქართულ თეატრში, სადაც სიცოცხლის ბოლომდე მოღვაწეობდა. თოჯინების თეატრში შესრულებული როლებიდან აღსანიშნავია: ლომწა (ვ. გორდაძის "დარუბნელი ჭაბუკი"), მეფე (ა. პრეობრაჟენსკის "დიდი ივანე"), მზეჭაბუკი (კ. გოგიაშვილის "მზეჭაბუკი"), პაპა (ი. შურინოვას "თოვლის პაპა"), ხელმწიფე (ე. დანკოს "გულივერი ლილიპუტების ქვეყანაში"), ყარაბასი (ალ. ტოლსტოის "ბურატინოს თავგადასავალი"), მასხარა კატა (მ. გაჩეჩილაძის "ჭკუა და გამოცდილება") და სხვა.

წყარო: საიუბილეო თარიღები: თეატრი, მუსიკა, კინო.- თბ., 1988. -გვ.50;

          http://dspace.nplg.gov.ge/handle/1234/99500

• 1965 - საქართველოს დამსახურებული არტისტი