ვლადიმერ კაიროვი

დაბადების ადგილი: ქ. არდონი, ჩრდილოეთ ოსეთის ასსრ.

მერვე კლასიის დამთავრების შემდეგ სწავლა გააგრძელა (1936-1941) ლენინგრადის ა. ოსტროვსკის სახელობის თეატრალურ ინსტიტუტში სამსახიობო განხრით; 1944 წელს დაამთავრა მოსკოვის თეატრალური ინსტიტუტის სარეჟისორო ფაკულტეტი.

1930-1938წწ. თვითმოქმედ დრამატულ წრეებში დადგა 20-ზე მეტი სპექტაკლი, რომლებშიც ხშირად თვითონვე ასრულებდა მთავარ როლებს; 1932 წელს ბესლანში ჩამოაყალიბა დრამატული წრე; 1938-1954წწ. იყო ცხინვალის სახელმწიფო თეატრის სამხატვრო ხელმძღვანელი; შემდეგი წლების განმავლობაში მუშობდა ამავე თეატრის რეჟისორად. მის მიერ სხვადასხვა დროს განსახიერებული როლებიდან აღსანიშნავია: ედგარი (უ. შექსპირის "მეფე ლირი"), ხასანა (დ. მამსუროვის "ხასანა"), ხაზბი (ე. ბრიტაევის "სხვისი შვილები"), არსენა (ს. შანშიაშვილის "არსენა"), არკადი (ა. კორნეიჩუკის "პლატონ კრეჩეტი"), ფლორინდო (გ. გოლდონის "ორი ბატონის მსახური"), თაიმურაზი (ა. თანდუევის "თაიმურაზი"), კომისარი (გ. ბეგიზოვას "20-იანი წლები"), პარატოვი (ა. ოსტროვსკის "უმზითვო"), აკოფა (ა. ცაგარელის "ხანუმა"), ასლოუბეკი (ვლ. კაიროვის "ბსეტსეს ვაჟები") და სხვ.; მისი პირველი დადგმა იყო ცხინვალის სახელმწიფო თეატრის სცენაზე დ. თემირიაევის "შურისმაძიებელნი", შემდეგ განახორციელა მ. გუჩმაზოვის "მგლები", ვ. გაგლოევის "თქმულება დედაზე", გოლდონის "სკაპენის ოინები", ნ. გოგოლის "ქორწინება", ა. ცაგარელის "ხანუმა", მ. მრევლიშვილის "ზვავი", მ. ბარათაშვილის "ჩემი ყვავილეთი" და სხვ.; ცნობილია როგორც დრამატურგი. მისი პიესები ("ბათას შვილები", "აცამაზი") არაერთხელ დადგმულა დრამატული თეატრების სცენაზე; მან საზოგადოებრივ საწყისებზე ცხინვალის თეატრთან სხვადასხვა დროს (1942, 1960) დააარსა თეატრალური სტუდიები.

წყარო: საიუბილეო თარიღები: თეატრი, მუსიკა, კინო.- თბ., 1988. -გვ.54

• 1960 - საქართველოს ხელოვნების დამსახურებული მოღვაწე