გიგლა არაბული

დაბადების ადგილი: სოფელი ჯუთა, ყაზბეგის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1961 წელს.

1961-1967წწ. მუშაობდა საქართველოს მშენებლობის სამინისტროს N1 სამშენებლო ტრესტ "ამიერკავკასმეტალურგმშენში" სამუშაოთა მწარმოებლად; უფროს სამუშაოთა მწარმოებლად; 1971-1972წწ. საწარმოო კომბინატის დირექტორად; 1976-1977წწ. სამშენებლო სამმართველოს უფროსად; იყო საქართველოს სასოფლო მშენებლობის სამინისტროს მოძრავ-მექანიზებული კოლონის უფროსი, ტრესტის მთავარი ინჟინერი და მმართველი; 1968-1970წწ. ხელმძღვანელობდა ობიექტების მშენებლობას არაბთა ისლამურ და 1972-1976წწ. გვინეის დემოკრატიულ რესპუბლიკებში; 1995 წლიდან არის სს "ლომისის" გენერალური დირექტორი; მისი მონაწილეობით საქართველოში და მის ფარგლებს გარეთ არაერთი მნიშვნელოვანი სამრეწველო ობიექტი აშენდა; მათ შორისაა: სოფლის მეურნეობისა და გადამამუშავებელი მრეწველობის უმსხვილესი ობიექტები (კახეთსა და მცხეთა-მთიანეთში), ახალი სამოსახლო უბნები სტიქიით დაზარალებული მოსახლეობისათვის და სხვა.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.53; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.267

• 1998 - ღირსების მედალი
  სამშენებლო სფეროში მიღწეული წარმატებისთვის, მსხვილი ობიექტების მშენებლობაში შეტანილი დიდი წვლილისა და შენობა-ნაგებობების აღდგენა-რესტავრაციის დროს გამოჩენილი მაღალი პროფესიონალიზმისათვის
• ხალხთა მეგობრობის ორდენი