გიორგი ცაგარელი

დაბადების ადგილი: ქ. ქუთაისი.

დაამთავრა ქუთაისის კლასიკური გიმნაზია  და ოდესის უნივერსიტეტის ისტორიისა და ფილოლოგიის ფაკულტეტი.

მუშაობდა უკრაინაში. 1924 წლიდან თბილისში ცხოვრობდა. მას ეკუთვნის ლექსები, კინოსცენარები; რუსულ ენაზე თარგმნა ქართული ხალხური პოეზიის ნიმუშები: დავით გურამიშვილის, ნიკოლოზ ბარათაშვილის, გალაკტიონ ტაბიძის, ალექსანდრე აბაშელის ლექსები, იოსებ თბილელის "დიდმოურავიანი", უიარაღოს "მამლუკი"; აგრეთვე "ვეფხისტყაოსანი"; ეს იყო დედნიდან შესრულებული პირველი თარგმანი (ცალკე წიგნად გამოიცა 1937 წ. მოსკოვში, II გამოცემა 1953), რომელიც დედანთან სიახლოვის გამო შემდგომ დიდად დაეხმარა რუსულ თუ უცხოურ ენებზე ვეფხისტყაოსნის სხვა მთარგმნელებს. 

წყარო: ქართული საბჭოთა ენციკლოპედია: ტ. 11.-თბ., 1987.-გვ.183; ქართველ მოღვაწეთა ნეკროპოლი. წ. 1/ შეადგ., წინასიტყვაობა, შენიშვნები და საძიებელი დაურთო სოლომონ ხუციშვილმა. -თბ., 1961. -გვ.139

• მტრის ბუნაგში : ნარკვევი (ავტორი). - თბილისი, საბჭოთა მწერალი-ს გამ-ბა და სტ., 1948. - 99გვ.