ნიკოლოზ ცანავა

დაბადების ადგილი: სოფელი ნალეფსოვო, ახლანდენი სენაკის რაიონი.

რევოლუციური მოძრაობის მონაწილე რუსეთსა და საქართველოში. 1912 წელს ხონის სახელოსნო სკოლის დამთავრების შემდეგ სწავლობდა სევასტოპოლის სავაჭრო ფლოტის საზღვაოსნო სასწავლებელში. პარალელურად მუშაობდა სევასტოპოლის ნავსადგურში ზეინკლად. 1914 წელს ჩაება რევოლუციურ მოძრაობაში, რის გამოც 1915 წელს დააპატიმრეს. 1917 წლის თებერვლის რევოლუციის დროს აქტიურად მონაწილეობდა სევასტოპოლის ადგილობრივ პოლიციასა და მეფის არმიის ოფიცერთა განიარაღებაში, შემდეგ სევასტოპოლის საბჭოს შექმნაში, პერეკოპის დაცვაში, გერმანელი ოკუპანტებისა და დენიკინელთა წინააღმდეგ ბრძოლაში. 1918 წლის ივნისში კვლავ დააპატიმრეს. 1919 წლიდან მუშაობა დაიწყო მექანიკოსად ფოთში და განაგრძობდა რევოლუციურ საქმიანობას. მალე დააპატიმრეს და 1920 წლის აგვისტოში აზერბაიჯანში გადაასახლეს. 1921 წლის მარტში დაბრუნდა საქართველოში, იმავე წლის მაისში დანიშნეს ფოთის ნავსადგურის უფროსად. შემდგომ პერიოდში მუშაობდა სხვადასხვა საპასუხისმგებლო თანამდებობაზე.

წყარო: ქართული საბჭოთა ენციკლოპედია: ტ. 11.-თბ., 1987.-გვ.186

• კომუნისტური პარტია , წევრი (1917-)
• საქართველოს მეზღვაურთა კავშირის ცენტრალური გამგეობა, გამგეობის პასუხისმგებელი მდივანი (1919-)
• საქართველოს მეზღვაურთა კავშირის ცენტრალური გამგეობის პრეზიდიუმი, წევრი (1919-)
• ფოთის პირველი არალეგალური პარტიული კონფერენცია , დელეგატი (1919-)
• ფოთის საქალაქო კომიტეტი, წევრი (1919-)