თენგიზ არუცევი

დაბადების ადგილი: ქ. ბორჯომი.

დაამთავრა საქართველოს პოლიტექნიკური ინსტიტუტის სამთო ფაკულტეტი 1954 წელს.

1954-1956წწ. მუშაობდა ქ. ახალციხის N2 მაღაროში კაპიტალური მშენებლობის განყოფილების უფროსად; 1956-1970წწ. ბორჯომის საკურორტო მშენებლობაზე სამუშაოთა მწარმოებლად; 1970-1983წწ. ხელმძღვანელობდა ბორჯომის სამშენებლო სამმართველოს "კურორტმშენს"; 1983-1985წწ. ბორჯომის ტურბაზას; 1985-1991წწ. ქ. ბორჯომის სამშენებლო საქმეებისა და არქიტექტურის სამსახურს; მონაწილეობდა საბაგირო გზის (ბორჯომის პარკში), ხიდის, სანატორიუმების, საკონცერტო და კინოდარბაზის მშენებლობაში; მიღებული ჰქონდა მრავალი სახელმწიფო ჯილდო.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.56