მამული არშბა

დაბადების ადგილი: ქ. სოხუმი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1958 წელს, 1974 წელს ამავე ინსტიტუტის არქიტექტურული ფაკულტეტი.

1958-1982წწ. მუშაობდა საპროექტო ინსტიტუტ "საქქალაქმშენსახპროექტის" ქ. სოხუმის ფილიალში და გაიარა ყველა სამსახურებრივი საფეხური დამწყები ინჟინრიდან ინსტიტუტის დირექტორობამდე; 1982-1993წწ. იყო აფხაზეთის ასსრ არქიტექტურისა და მშენებლობის ტექნიკური ცენტრის დირექტორი; გამოქვეყნებული აქვს 80-ზე მეტი პუბლიკაცია მხარის არქიტექტურის საკითხებზე; მისი ხელმძღვანელობით დამუშავებულია ქ. სოხუმის და ქ. ოჩამჩირის გენერალური გეგმების პროექტები, აგრეთვე აფხაზეთის ტერიტორიაზე დასასვენებელი სახლების, სასტუმროების, საექსკურსიო-ტურისტული კომპლექსების, სასოფლო ცენტრები (სოხუმის, გაგრის, ოჩამჩირისა და გუდაუთის რაიონებში) და სხვა პროექტები; 1993-2010წწ. ცხოვრობდა და მოღვაწეობდა ქ. მოსკოვში, იყო რუსეთის ფედერაციის არქიტექტორთა კავშირის სახელოსნოს ხელმძღვანელი; 2010 წლიდან იგი კვლავ ქ. სოხუმში დაბრუნდა და მოღვაწეობდა სპეციალობით. არქიტექტურის მეცნიერებათა კანდიდატი.

საკანდიდატო დისერტაციის თემა - "ზღვისპირა რაიონების (აფხაზეთის მაგალითზე) საკურორტო-ტურისტული ზონების არქიტექტურულ-გეგმარებითი ორგანიზაცია", დაიცვა 1985 წელს ქ. მოსკოვში.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.57

• საბჭოთა კავშირის არქიტექტორთა კავშირი , წევრი (1985-)

• აფხაზეთის ასსრ დამსახურებული არქიტექტორი