გურამ ასათიანი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1958 წელს.

შრომითი საქმიანობა დაიწყო საპროექტო ინსტიტუტ "საქქალაქმშენპროექტში" კონსტრუქტორად. მუშაობდა საქართველოს სასოფლო მშენებლობის სამინისტროს სისტემაში მთავარ ინჟინრად; 1966-1967 წწ. მონაწილეობდა მიწისძვრისგან დანგრეული ქ. ტაშკენტის აღდგენაში. იყო საქართველოს სამშენებლო სამმართველოს მთავარი ინჟინერი; შემდეგ პერიოდში მუშაობდა სხვადასხვა სამშენებლო სამმართველობის მთავარ ინჟინრად; 1973-1974 წწ. მივლინებული იყო კუბის რესპუბლიკის მშენებლობის სამინისტროში მთავარ კონსულტანტად მეტროლოგიის საკითხებში; საქართველოში დაბრუნების შემდეგ, მუშაობდა საქართველოს მშენებლობის სამინისტროს სამშენებლო-სამონტაჟო ტრესტ "მაღლივმშენის" სამმართველოსა (1974) და მსუბუქი მრეწველობის სამინისტროს საშენი კონსტრუქციების ქარხნის (1985) მთავარ ინჟინრად; უშუალოდ მონაწილეობდა სკოლების, საავადმყოფოების, საცხოვრებელი სახლების, საწარმოო ნაგებობების მშენებლობაში საქართველოს სხვადასხვა კუთხეში.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.59