გივი ციმინტია

დაბადების ადგილი: ქ. ზუგდიდი.

დაამთავრა თბილისის რკინიგზის ტრანსპორტის ინჟინრების ინსტიტუტი 1948 წელს.

1948-1979 წლებში მუშაობდა შავი ზღვის სანაპიროს რკინიგზის გვირაბების, თბილისის მეტროპოლიტენის, დარიალის ხეობის საავტომობილო გვირაბების (რიკოთისა და როკის უღელტეხილზე, საქართველოს სამხედრო გზაზე), მიწისქვეშა საცავების (ღვინის ყვარელში და ხილბოსტნეულის ხელვაჩაურში) და სხვა ობიექტების მშენებლობაზე. მისი მონაწილეობითა და ხელმძღვანელობით ჩაბარდა ახალი ათონის მღვიმის უნიკალური მიწისქვეშა კომპლექსი. 1979-1981 წლებში "თბილგვირაბმშენის" მთავარი ინჟინერი, 1981 წლიდან კი მმართველის მოადგილე იყო. ტექნიკურ მეცნიერებათა კანდიდატი (1973). 

წყარო: ქართული საბჭოთა ენციკლოპედია: ტ. 11.-თბ., 1987.-გვ.220; საქართველოს არქიტექტორთა და მშენებელთა ენციკლოპედია. -თბ., 2017.-გვ.667

• სკკპ, წევრი (1950-)

• 1977 - სსრკ სახელმწიფო პრემია (სპეციალისტთა ჯგუფთან ერთად)
  ახალი ათონის უნიკალური კარსტული მღვიმის კომპლექსის შექმნისთვის
• ღირსების ორდენი
• შრომის წითელი დროშის ორდენი
• საქართველოს დამსახურებული ინჟინერი