ლევან ცისკარიშვილი

დაბადების ადგილი: სოფელი ზემო ალვანი, ახმეტის რაიონი. 

დაამთავრა თბილისის სახელმწიფო უნივერსიტეტის სამკურნალო ფაკულტეტი 1926 წელს.

 1930-1953 წლებში მუშაობდა სხვადასხვა თანამდებობაზე თბილისის სახელმწიფო სამედიცინო ინსტიტუტსა და ექიმთა დახელოვნების ინსტიტუტში. 1948-1953 წლებში ერთდროულად იყო თბილისის მთავარი ქირურგი და უროლოგი, 1959-1974 წლებში განაგებდა თბილისის ექიმთა დახელოვნების ინსტიტუტის უროლოგიის კათედრას, 1975 წლიდან ამავე კათედრის მეცნიერ-კონსულტანტია. იგი შეისწავლიდა შარდ-კენჭოვან დაავადებას, შარდ-სასქესო ორგანოთა სიმსივნეებს, საქართველოს მინერალური წყლების სამკურნალო თვისებებსა და მათ გამოყენებას უროლოგიური დაავადებების დროს. მედიცინის მეცნიერებათა დოქტორი(1952), პროფესორი(1954), უროლოგი.

წყარო: ქართული საბჭოთა ენციკლოპედია: ტ. 11.-თბ., 1987.-გვ.224; კახეთის გამოჩენილი ადამიანები/ოთარ ნაცარაშვილი.-თბ.,2001.-გვ.667

• საქართველოს უროლოგთა სამეცნიერო საზოგადოება, თავმჯდომარე (1973-)

• 1967 - საქართველოს მეცნიერებათა დამსახურებული მოღვაწე
• წითელი ვარსკვლავის ორდენი
• წითელი დროშის ორდენი
• სამამულო ომის II ხარისხის ორდენი (2 ორდენი)

• კლინიკური ურორენტგენოლოგია (თანაავტორი). - თბილისი, განათლება, 1990. - 222გვ.
• უროგინეკოლოგიის საკითხები (თანაავტორი). - თბილისი, საბჭ. საქართველო, 1983. - 245გვ.