ვლადიმერ აშხაცავა

დაბადების ადგილი: ქ. ოჩამჩირე.

დაამთავრა ხარკოვის საინჟინრო-სამშენებლო ინსტიტუტის სამრეწველო და სამოქალაქო მშენებლობის ფაკულტეტი ინჟინერ-მშენებლის კვალიფიკაციით 1957 წელს.

ინსტიტუტის დამთავრების შემდეგ მუშაობა დაიწყო ოჩამჩირის საკოლმეურნეობათაშორისო სამშენებლო ორგანიზაციაში სამუშაოთა მწარმოებლად; იყო ამავე ორგანიზაციის საწარმოო-ტექნიკური განყოფილების უფროსი, მთავარი ინჟინერი და გაერთიანების უფროსი; 1967 წელს დაინიშნა საქართველოს მშენებლობის სამინისტროს N6 სამშენებლო ტრესტის N3 სამშენებლო სამმართველოს უფროსად; 1970 წლიდან იგი პარტიულ სამუშაოზეა; იყო საქართველოს კომპარტიის აფხაზეთის საოლქო კომიტეტის მშენებლობის განყოფილების ინსტრუქტორი, შემდეგ ამავე განყოფილების გამგის მოადგილე და განყოფილების გამგე; 1980 წელს დაინიშნა აფხაზეთის მინისტრთა საბჭოს საგეგმო კომიტეტის თავმჯდომარედ, შემდეგ - ეკონომიკის მინისტრად.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.62

• აფხაზეთის მთავრობის საპატიო სიგელი
• აფხაზეთის მთავრობის საპატიო მედალი
• აფხაზეთის დამსახურებული ინჟინერი