ვიტალი ახვლედიანი

დაბადების ადგილი: სოფელი ქვედა ვანი, ვანის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1958 წელს.

1958-1974წწ. მუშაობდა საქართველოს მშენებლობის სამინისტროს სამშენებლო გაერთიანება "მთავართბილმშენისა" და თბილისის საქალაქო საბჭოს აღმასკომის სამშენებლო-სამონტაჟო ტრესტ "ინჟმშენის" სამშენებლო სამმართველოში ოსტატად, სამუშაოთა მწარმოებლად, მთავარ ინჟინრად, სამმართველოს უფროსად; 1974 წელს გადავიდა სამშენებლო ტრესტ "საქჰიდროენერგომშენის" სისტემაში, სადაც მუშაობდა ინჟინრად, მთავარ დისპეტჩერად; 1978-1989წწ. იყო ამავე ტრესტის სამოქალაქო ბინათმშენებლობის სამშენებლო სამმართველოს მთავარი ინჟინერი; მონაწილეობდა ქალაქ თბილისის საცხოვრებელი და კომუნალური ობიექტების მშენებლობაში, აგრეთვე, კულტურულ-საგანმანათლებლო და ბინათმშენებლობის ობიექტების მშენებლობაში ენგურზე, ჟინვალში, გარდაბანში და სხვა რაიონებში; არაერთგზის დაჯილდოვდა საქართველოს მთავრობის საპატიო სიგელითა და საპატიო მედლით.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.63

• საქართველოს ენერგეტიკოსთა და მშენებელთა კავშირი, წევრი
• საქართველოს ეროვნულ და სოციალურ ურთიერთობათა აკადემია, წევრი