მურად ახვლედიანი

დაბადების ადგილი: ქ. ბათუმი.

დაამთავრა თბილისის პოლიტექნიკური ტექნიკუმი 1963 წელს; საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1970 წელს.

1971-1977წწ. მუშაობდა საქართველოს მშენებლობის სამინისტროს N14 და N15 სამშენებლო ტრესტებში - სამუშაოთა მწარმოებლად, უბნის უფროსად, ქარხნის მთავარ ტექნოლოგად; N15 სამშენებლო ტრესტის N5 სამშენებლო სამმართველოს სამუშაოთა მწარმოებლად; 1977-1981წწ. მშენებლობის სამინისტროს N13 სამშენებლო ტრესტის N7 სამშენებლო სამმართველოში უბნის უფროსადე, მთავარ ინჟინრად; 1981-1983წწ. ვანის რაიონის "კოლმშენში" მთავარ ინჟინრად; 1983-1984წწ. "საქყოფრემმშენის" N2 სამშენებლო-სარემონტო ტრესტის დაბა ვანის სარემონტო-სამშენებლო სამმართველოს უფროსად; 1984 წლიდან საქართველოს სავაჭრო-სამრეწველო პალატის "საქექსპერტიზის" უფროსი მშენებელი ექსპერტია. როგორც ასოციაცია "ატუსა" და შპს "ბურჯის" მთავარი ინჟინერი, ხელმძღვანელობდა: ა. გრიბოედოვის სახელობის დრამატული თეატრის, ჯ. კახიძის სახელობის მუსიკალური ცენტრის, ს. ჯანაშიას სახელობის სახელმწიფო მუზეუმის, ეროვნული ბიბლიოთეკის (თბილისში), ინფრასტრუქტურის ობიექტების (ბაკურიანში), წყალმომარაგების სისტემის (საჩხერეში), დელფინარიუმის (ბათუმში), გასართობ კომპლექს "ციცინათელას", საკონცერტო დარბაზისა (ურეკში) და სხვა მნიშვნელოვანი ობიექტების მშენებლობას; 2009 წლიდა სათავეში უდგას ქართულ-გერმანული ექსპერტიზის ბიუროს; არის მრავალი რაციონალიზატორული წინადადების ავტორი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.63-64