ხასან ანანიძე

სიმღერა უფროსმა ძმამ შეასწავლა; თორმეტი წლისამ უკვე კარგად იცოდა ბევრი გურულ-აჭარული ხალხური სიმღერა; სანდრო კავსაძის, ძუკუ ლოლუას, ვარლამ სიმონიშვილისა და სხვების მსგავსად, მანაც სცადა მომღერალთა გუნდის ჩამოყალიბება; ქობულეთის რაიონში მის მიერ დაარსებულმა გუნდმა ნაყოფიერი მუშაობა დაიწყო; გუნდში უჩადრო გოგონებიც მღეროდნენ, ცეკვებსაც ასრულებდნენ, უმთავრესად - "ხორუმს"; გუნდი ხშირად მართავდა კონცერტებს ქობულეთში, აჭყვითში, ჩაქვში; მის მიერ მოგვიანებით შექმნილმა სოფელ ლეღვას თვითმოქმედმა კოლექტივმა თავი ისახელა მესამე რესპუბლიკურ ოლიმპიადაზე, პირველი ხარისხის სიგელი და ფულადი ჯილდო ერგო ხელმძღვანელს, გუნდსა და მოცეკვავეებს; 1937 წელს მომდევნო რესპუბლიკურ ოლიმპიადაზე ასეთივე წარმატება მოიპოვა გუნდმა; გუნდი თბილისელი მსმენელის წინაშე საინტერესო, მრავალფეროვანი აჭარული ხალხური სიმღერებით წარდგა; მას კონსერვატორიაში მოუსმინეს და კარგი შეფასება მისცეს; გუნდი წარმატებით გამოვიდა რადიოშიც; ხასან ანანიძე ინდივიდუალური შემსრულებელიცაა, 1957 წელს თბილისში აჭარის ლიტერატურისა და ხელოვნების დეკადაზე წარმატებული გამოსვლისათვის საპატიო სიგელი მოიპოვა.

წყარო: ხალხური სიმღერის მოამაგენი.-თბ., 2007.-გვ. 47

• 1958 - აჭარის კულტურის დამსახურებული მუშაკი