ვერა ბერაია

დაბადების ადგილი: სოფელი წებელდა, გულრიფშის რაიონი.

თვრამეტი წლის ასაკიდან მუშაობდა ქ. სოხუმის საკონდიტრო ფაბრიკაში, სადაც ჩამოაყალიბა მომღერალთა პატარა ჯგუფი და ფაბრიკაში კონცერტები გამართა; შესანიშნავად უკრავდა ჩონგურზე; მრავალ მუშა ქალს შეასწავლა ამ საკრავზე დაკვრა და სიმღერა; მან შორს გაითქვა სახელი თავისი მოქნილი ხმითა და სიმღერების ფაქიზი შესრულებით; ეს გარემოება არ გამოჰპარვია მხედველობიდან აფხაზეთის სიმღერისა და ცეკვის სახელმწიფო ანსამბლის ხელმძღვანელს კიწი გეგეჭკორს, რომელმაც თავისი ანსამბლის სოლისტად მიიწვია; ოც წელზე მეტ ხანს(1938-1959) მღეროდა სახელმწიფო ანსამბლში, სადაც ყოველთვის გამოირჩეოდა დისციპლინითა და შესრულების მაღალი დონით; ის სოხუმში სხვადსხვა ორგანიზაცია-დაწესებულებების მომღერალთა გუნდებს უწევდა ხელმძღვანელობას; იყო სოხუმის ქალაქკომის პირველი და მეორე მოწვევის დეპუტატი; სამამულო ომის დროს ჩატარებული მუშაობისათვის მრავალი ჯილდოთი იქნა დაჯილდოვებული.

წყარო: ხალხური სიმღერის მოამაგენი.-თბ., 2007.-გვ. 58

• 1952 - საქართველოს ხელოვნების დამსახურებული მოღვაწე
• მედალი "კავკასიის დაცვისთვის"
• მედალი "შრომითი მამაცობისთვის"