ხასან მიქელაძე

დაბადების ადგილი: სოფელი ძენწმანი, ქედის რაიონი.

1938 წელს, ბათუმის პედაგოგიური ტექნიკუმის დამთავრების შემდეგ მსახიობად მუშაობდა ხულოს (1938-1940; 1942-1948), ბათუმის (1940-1941) თეატრებში. 1948-1952 წლებში იყო აჭარის სიმღერისა და ცეკვის სახელმწიფო ანსამბლის მომღერალი, ხოლო 1952 წელს კვლავ ბათუმის თეატრშია. ხასან მიქელაძე ძირითადად ასრულებდა სახასიათო როლებს. მათ შორის აღსანიშნავია: გიჟუა (ა. ცაგარელის "რაც გინახავს, ვეღარ ნახავ"), გელა (ა. წერეთლის "პატარა კახი"), დავით დადიანი (მ. მრევლიშვილის "ნიკოლოზ ბარათაშვილი"), გელა (ვაჟა-ფშაველას "მოკვეთილი"), აპრაკუნე (ი. ვაკელის "აპრაკუნე ჭიმჭიმელი"), კოტე (ვ. კანდელაკის "ორი სპეციალისტი"), პოლკოვნიკი ბატურინი (ნ. ბოიარინოვის "იმათ მხარეში"), გრაფი დელინერი (ა. დენერის და კორშონის "ორი ობოლი") და სხვ.

წყარო: საიუბილეო თარიღები: თეატრი, მუსიკა, კინო.- თბ., 1989. -გვ.48; ცნობილი ქართველი მუსლიმები: facebook.com

• 1967 - საქართველოს დამსახურებული არტისტი
• 1955 - აჭარის დამსახურებული არტისტი