The National Library of Georgia Home - About Library - E-Resources 
  Login
Biographical Dictionary
HomeCategories  
Search
Person Name:

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Parliamentary Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook



ელენე აბაზაძე-ჟივიძე

ელენე აბაზაძე-ჟივიძე
Legal name:ელენე აბაზაძე
Date of birth:8 July, 1899
Date of death:1981  (at 81 years)
Category:Singer, Actor/Actress

Biography

დაბადების ადგილი: ქ. თბილისი.

დაამთავრა თბილისის მე-3 გიმნაზია 1917 წელს; შემდეგ სწავლა განაგრძო კონსერვატორიაში, პროფესორ ზელიონის კლასში.

1918 წელს გადავიდა გიორგი ჯაბადარის სტუდიაში, მონაწილეობდა ქართულ კლუბთან არსებულ მუსიკალურ წრეში, რომელიც დგამდა მუსკომედიებს. აქ, ოპერეტა "ვამპუკაში" შეასრულა ვამპუკას პარტია. მონაწილეობდა სასწავლებელში გამართულ საღამოებში(მხატვრული კითხა, წარმოდგენები, სიმღერები), აგრეთვე გორის სცენის მოყვარულთა წარმოდგენებში და ქართველ მსახიობთა(ელისაბედ ჩერქეზიშვილი, ვასო აბაშიძე, შალვა დადიანი და სხვ.) საგასტროლო წარმოდგენებში. 1919-1920 წლებში შედგა მისი დებიუტი ქართველ მსახიობთა ამხანაგობის დასში. შალვა დადიანის რეჟისორობით ოპერის თეატრში შეასრულა ფერიების დედოფლის როლი(ი. გედევანიშვილის "სინათლე", II ნაწილი) და ჩაირიცხა დასში პროფესიონალ მსახიობად. ელენე აბაზაძე-ჟივიძე იყო ოზურგეთის(1920-1922), ბაქოს(1922-1923), სოხუმის(1923-1924, 1950-1951), თბილისის ქართველ მსახიობთა ამხანაგობის(1924-1925), ზესტაფონის(1925-1926), ზუგდიდის(1927-1928), მუსკომედიის(1937-1938), მცხეთის(1940-1950) თეატრების წამყვანი მსახიობი. 1929-1949 წლებში იყო საქართველოს სახელმწიფო ფილარმონიის მსახიობი, პარალელურად მუშაობდა დუშეთის დრამწრეში(1932-1934). მის მიერ შესრულებული როლებიდან აღსანიშნავია: ქეთევანი(დ. ერისთავის "სამშობლო"), კატინა, ლიზა, ხანუმა(ა. ცაგარელის "რაც გინახავს, ვეღარ ნახავ", "ხანუმა"), კრუჩინინა(ა. ოსტროვსკის "უდანაშაულო დამნაშავენი"), თამარი(ნ. შიუკაშვილის "მეგობრობა"), ლია(ე. ჩირიკოვის "ებრაელები"), რუქაია(ა. სუმბათაშვილის "ღალატი"), ოლ-ოლი(ლ. ანდრეევის "დღენი ჩვენი ცხოვრებისა"), დედა(მ. მრევლიშვილის "ხარატაანთ კერა"), ფატი(შ. დადიანის "ნაპერწკლიდან") და სხვ.

წყარო: საიუბილეო თარიღებითეატრიმუსიკაკინო.- თბ., 1989. -გვ.56;

http://dspace.nplg.gov.ge/handle/1234/356

Awards and Honors

  • 1976 - საქართველოს დამსახურებული არტისტი

Share: