ლომინ გუგუშვილი

ის იყო ძველი ხალხური სიმღერების დიდი მცოდნე; არ გამოეპარებოდა არც ერთი სასიმღერო ჰანგი, ერთი მოსმენით ითვისებდა სიმღერის სამივე ხმას; საქვეყნოდ ცნობილია "კუჩხი ბედინერის", "ოდოიას", მეგრული "ზარის"(სიმღერით დატირების) და სხვა პოპულარული ხალხური სიმღერების ლომინისეული ვარიანტები; მასწავლებელთა მასწავლებელი - ასე ეძახდნენ მას სამეგრელოში; ძუკუ ლოლუა თავის მასწავლებლად მიიჩნევდა; გრიგოლ კოკელაძემ და სხვა კომპოზიტორებმა მრავალი სიმღერა ჩაწერეს მისი რეპერტუარიდან; სამოცი წლის იყო სამოღვაწეო სარბიელზე რომ გამოიყვანეს; გუნდის ხელმძღვანელ-კონსულტანტად დანიშნეს, ხოლო შემდეგ, 1925-1926წწ. მიიწვიეს აბაშის რაიონის გუნდის ხელმძღვანელად, ამ გუნდით მან მონაწილეობა მიიღო 6 წლის შემდეგ ქალაქ ზუგდიდში გამართულ სამეგრელოს რაიონთაშორისო ოლიმპიადაში, სადაც პირველი ხარისხის ჯილდო მიენიჭა; ამის შემდეგ გუნდმა მრავალი კონცერტი გამართა დასავლეთ საქართველოს დაბა-ქალაქებში; იგი თბილისში გამოსვლაზე ოცნებობდა და მალე ამის შესაძლებლობა მიეცა; მეორე, მესამე და მეოთხე ოლიმპიადების მონაწილე გახდა; რეპერტუარის სიმდიდრე და მისი ზუსტი ხალხური შესრულება განაპირობებდა გუნდის წარმატებას; მან ღრმა შთაგონებით, სიმღერების უნაკლო ცოდნით ფასდაუდებელი ამაგი დასდო ქართულ ხალხურ სიმღერას; ლოტბარი.

წყარო: ხალხური სიმღერის მოამაგენი.-თბ., 2007.-გვ. 80