თეიმურაზ ბერიძე

დაამთავრა საქართველოს პოლიტექნიკური ინსტიტუტის არქიტექტურის ფაკულტეტი 1972 წელს.

მუშაობდა სხვადასხვა საპროექტო ინსტიტუტებში; არის საპატრიარქოს ხუროთმოძრვრების, ხელოვნებისა და რესტავრაციის ცენტრის თანამშრომელი; დაპროექტებული აქვს: თბილისის წმ. ლაზარეს ეკლესია, წმ. ანდრია პირველწოდებულის სამონასტრო კომპლექსი, წმ. მეფე ვახტანგ გორგასლისა და მთაწმინდაზე ივერიის ღვთიშობლის ხატის ეკლესიები, ღირსი მამა ლუკიანეს სამლოცველო, მარტყოფის დედათა მონასტრის წმ. გიორგის ეკლესია, სოფელ ბიწმენდის უფლის ამაღლების სამონასტრო კომპლექსი, ბოდბეში, წმ. ნინოს წყაროზე, ტაძარი და მცირე სამონასტრო კომპლექსი, დავით გარეჯელის ლავრაში ღირსი მამა დავითისა და ღირსი მამა დოდოს საფლავები, მარტყოფში ღირსი მამა ანტონ მარტყოფელის საფლავი (ნ. დადიანისა და ქ. აბაშიძესთან ერთად), ბოდბეში წმ. ნინოს საფლავი, თბილისის ყოვლადწმინდა სამების საკათედრო ტაძრის სამკვეთლო და სატრაპეზო; მონაწილეობდა წმ. ანდრია პირველწოდებულის გზის აღდგენაში; 2006-2008წწ. დააპროექტა: საქართველოს საპატრიარქოს ღვთისმშობლის ხარების ტაძარი და დედათა მონასტერი, მცხეთის სვეტიცხოვლის დიდი ტრაპეზი, წმ. ელია წინასწარმეტყველის ხალენის მცირე ეკლესია, ამ ეკლესიისა და უფლის აღდგომის ტაძრის ტრაპეზები, ქუთაისის წმ. ელია წინასწარმეტყველის ტაძარი და მონასტერი, ქ. ყვარლის ღვთისმშობლის ხარების ეკლესია და მონასტერი, მცხეთის წმ. გიორგის ტაძარი, საფარის ეკლესიის ტრაპეზი და ღირსი მამა იოანე ზედაზნელის საფლავი ზედაზნის მონასტერში (ნ. დადიანთან ერთად). 

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.82-83

• საქართველოს არქიტექტორთა, მხატვართა და დიზაინერთა კავშირი, წევრი