ზაურ ბერუაშვილი

დაბადების ადგილი: ქ. თბილისი.

დაამთავრა თბილისის სახელმწიფო სამხატვრო აკადემიის არქიტექტურის ფაკულტეტი 1969 წელს.

1967-1987წწ. მუშაობდა თბილისის ზონალურ სამეცნიერო კვლევით ტიპური და ექსპერიმენტული პროექტირების ინსტიტუტში არქიტექტორად, პროექტის მთავარ არქიტექტორად; 1987 წელს გადავიდა საწარმოო-სამშენებლო გაერთიანება "საქმონოლითმშენში" მთავარ არქიტექტორად; მისი ძალისხმევით 1988 წელს ჩამოყალიბდა სამეცნიერო საპროექტო-ტექნოლოგიური ცენტრი, სადაც ინდუსტრიული და უნიფიცირებული ქარგილების გამოყენებით, მონოლითურ რკინაბეტონში დამუშავდა და აშენდა ახალი ტიპის მრავალი შენობა-ნაგებობა; მისი ავტორობით შეიქმნა და განხორციელდა (თბილისში, ესენტუკში, სოჭსა და გელენჯიკში) ხუთ და ცხრასართულიანი მონოლითური საცხოვრებელი სახლების ტიპური პროექტები; იგი ასევე, ავტორია განმეორებით გამოყენებადი თექსვმეტსართულიანი მონოლითური საცხოვრებელი სახლებისა (ტიპი - "მონოლითი -1", "მონოლითი - 2", "მონოლითი - 3", "მონოლითი - 4"), რომლებიც საფუძვლად დაედო საქართველოში მონოლითური ინდუსტრიული ბინათმშენებლობის განვითარებას; 1984 წლიდან თექვსმეტსართულიანი სახლების პროექტები თბილისში, ბათუმში, ქუთაისში, აგრეთვე - გომელსა და ჩიტაში განხორციელდა; სს "მონოლითმშენის" მთავარი არქიტექტორი და სამეცნიერო საპროექტო-ტექნოლოგიური ცენტრის დირექტორია; ინდუსტრიული მათოდებით მონოლითური ბინათმშენებლობის დამამკვიდრებელია საქართველოში, ასევე, ავარიული შენობა-ნაგებობების გამაგრება-გაძლიერების ახალი მეთოდის დამნერგავი თბილისში; მისი ხელმძრვანელობით 1995-2000წწ. სს "მონოლითმშენის" სამეცნიერო საპროექტო-ტექნოლოგიურ ცენტრში, დამუშავდა ავარიული შენობების გამაგრება-გაძლიერების პროექტები (თექვსმეტსართულიანი კარკასულ-პანელური 90-ბინიანი სახლი გოთუას ქ. N20-ში); არის მრავალი რაციონალიზატორული წინადადების ავტორი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.85