გურამ ბერუჩაშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1960 წელს.

1960 წელს დაიწყო შრომითი საქმიანობა სამშენებლო-სამონტაჟო ტრესტ "ამიერკავკასტრანსმშენში"; იყო მშენებელი ოსტატი, სამუშაოთა მწარმოებელი, სამმართველოს უფროსის მოადგილე; 1974-1978წწ. მივლინებული იყო თურქეთში ისკანდერუმის მეტალურგიული კომბინატის მშენებლობაზე; 1978-1980წწ. კვლავ მუშაობდა ტრესტ  "ამიერკავკასტრანსმშენში" მთავარ ტექნოლოგად; 1980-1990წწ. იყო საქართველოს მინისტრთა საბჭოს უფროსი რეფერენტი და კურირებდა ყველა სახეობის სატრანსპორტო ობიექტების მშენებლობას; 1990 წელს დაინიშნა სს "ტრანსმშენის" გენერალური დირექტორის მოადგილედ; მისი უშუალო ხელმძღვანელობითა და მონაწილეობით აშენდა თბილისის ელმავალმშენებელი ქარხანა, "მარაბდა-ახალქალაქის" რკინიგზა, თბილისის რკინიგზის ვაგზალი, სამრეწველო, საქალაქო და სოციალურ-კულტურული დანიშნულების არაერთი ობიექტი; განხორციელდა საქართველოს საქართველოს სამხედრო გზის რეკონსტრუქცია.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.86; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.288

• 1999 - ღირსების ორდენი
  საქართველოში სატრანსპორტო კომპლექსების მშენებლობაში შეტანილი პირადი წვლილისა და მაღალი პროფესიონალიზმისათვის, სტიქიური მოვლენების დროს დაზიანებული შენობა-ნაგებობებისა და აფხაზეთის ომის პერიოდში აღდგენითი სამუშაოების ჩატარებისას გამოჩენილი მაღალი მოქალაქეობრივი პასუხისმგებლობისათვის
• საპატიო რკინიგზელი