ოთარ ბიბილეიშვილი

დაბადების ადგილლი: ქ. ქუთაისი.

დაამთავრა ქუთაისის ინდუსტრიული ტექნიკუმი 1935 წელს, თბილისის ინდუსტრიული ინსტიტუტის სამშენებლო ფაკულტეტი 1940 წელს.

1941-1945წწ. იყო იჟევსკის (რუსეთი) N7 სამხედრო ქარხნის კონსტრუქტორი, სამუშაოთა მწარმოებელი, საკონსტრუქტორო ბიუროს უფროსი; 1946-1951წწ. მუშაობდა სამშენებლო ტრესტ "მთავარდასავლეთმშენის" ქუთაისის სამმართველოში, ავტოქარხნის მშენებლობის უფროს სამუშაოთა მწარმოებლად, სამმართველოს უფროსად; 1952-1956წწ. იყო ქუთაისის საქალაქო საბჭოს აღმასკომის თავმჯდომარის პირველი მოადგილე, თავმჯდომარე; 1956-1958წწ. ავტოქარხნის მშენებლობის უფროსი; 1958-1969წწ. საქართველოს მშენებლობის სამინისტროს ქუთაისის N4 სამშენებლო ტრესტის მმართველი; 1969-1970წწ. იმავე სამინისტროს N1 სამშენებლო ტრესტ "ამიერკავკასმეტალურგმშენის" მმართველი; 1971-1991წწ. იყო საქართველოს მშენებლობის მინისტრის პირველი მოადგილე; მისი ხელმძღვანელობითა და მონაწილეობით აშენდა სახელმწიფო მნიშვნელობის ობიექტები: იჟევსკის N7 გასამხედროებული ქარხანა, ქუთაისის საავტომობილო ქარხანა, ასევე, აბრეშუმის კომბინატი და ლითოფონის ქარხანა, სანატორიუმები და დასასვენებელი სახლები წყალტუბოში, საირმესა და ცაიშში, ქუთაისის დრამატული თეატრი, ფეხბურთის სტადიონები ქუთაისსა და სოხუმში, მთავრობის სახლი და ბეჭდვითი სიტყვის კომბინატი სოხუმში, ბზიფისა და დრანდის სახლსაშენი კომბინატები, კურორტ ბიჭვინთის კომპლექსი; მიღებული ჰქონდა სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.88

• ღირსების ორდენი
• საქართველოს სახელმწიფო პრემია
• სსრკ მინისტრთა საბჭოს პრემია
• საქართველოს დამსახურებული ინჟინერი