გრიგოლ ბოკუჩავა

დაბადების ადგილი: სოფელი სეფიეთი, აბაშის რაიონი.

დაამთავრა საქართველოს პოლიტექნიკური ინსტიტუტის სატრანსპორტო ფაკულტეტი 1973 წელს.

1973-1974წწ. მუშაობდა საქართველოს სოფლის მეურნეობის სამინისტროს მცხეთის სარემონტო-სამშენბლო უბნის უფროსად; 1974-1985წწ. სამშენებლო გაერთიანება "თბილმეტრომშენის" სისტემაში - საპროექტო ჯგუფის ინჟინრად, ტექნიკური და საწარმოო განყოფილებების უფროსად; 1985-1989წწ. თბილისის ოქტომბრის რაისაბჭოს აღმასკომის თავმჯდომარის პირველ მოადგილედ, ტერიტორიულ-დარგთაშორისი სამმართველოს უფროსად; 1989 წელს დაინიშნა სამშენბლო გაერთიანება "თბილმეტრომშენის" სამმართველოს მთავარ ინჟინრად; 1993 წლიდან მუშაობდა მოსკოვის მეტროპოლიტენის მშენებლობაზე, როგორც "თბილმეტრომშენის" დამოუკიდებელი სამეურნეო ერთეულის ხელმძრვანელი მოსკოვში; 2002 წელს სათავეში ჩაუდგა მოსკოვის მეტროპოლიტენის ერთ-ერთ სამშენებლო სამმართველოს; მისი მონაწილეობით აიგო თბილისის მეტროპოლიტენის პირველი და მეორე რიგის ობიექტები, მოსკოვის მეტროსადგურები - "კურსკაია" და "დუბროვკა"; განხორციელდა მიწისქვეშა სივრცის ურთულესი მიერთება სადგურ "ოხოტნი რიადთან" და უნიკალურ მიწისქვეშა სავაჭრო ცენტრ "მანეჟის მოედანთან"; მისი ხელმძრვანელობით, ასევე, აშენდა სხვადასხვა ტექნოლოგიური დანიშნულების დიდი კვეთის მიწისქვეშა ნაგებობები მოსკოვის მეტროსადგურებზე: "ჩკალოვსკაია", "დუბროვკა", "ტრუბნაია", "სრეტინსკი ბულვარი", "მიტინო", "მარინა როშჩა" და სხვა.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.95; წიგნი ღირსებისა: ტ. 5 / შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.90

• 2000 - ღირსების მედალი
• მედალი "შრომითი წარჩინებისთვის"
• რუსეთის დამსახურებული მშენებელი
• საქართველოს დამსახურებული მშენებელი