
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

ელიზბარ წითლანაძე

Date of birth:	14 July, 1912
Date of death:	7 November, 1982 (at 70 years)
Category:	Mathematician, Scientist, Educator

Biography

დაბადების ადგილი: ქ. ბორჯომი.

დაამთავრა თბილისის სახელმწიფო უნივერსიტეტი 1933 წელს.

1937 წლიდან მუშაობას იწყებს თბილისის სახელმწიფო უნივერსიტეტში დოცენტის თანამდებობაზე, პარალელურად კითხულობს ლექციებს საქართველოს პოლიტექნიკურ ინსტიტუტში; 1944- 1945წწ. თბილისის სახელმწიფო უნივერსიტეტის პრორექტორია დაუსწრებელი სწავლების დარგში; 1945 -1947 წლებში მუშაობს მოსკოვის სახელმწიფო ეკონომიკურ ინსტიტუტში უმაღლესი მათემატიკის კათედრის დოცენტის თანამდებობაზე; 1947-1955წწ. თბილისის რკინიგზის ტრანსპორტის ინჟინერთა ინსტიტუტის კათედრის გამგეა, ხოლო 1955 წლიდან გარდაცვალებამდე განაგებდა უნივერსიტეტის ფიზიკის ფაკულტეტის მათემატიკის კათედრას; აღზარდა სტუდენტთა და ასპირანტთა ღირსეული თაობები. 1969-1976წწ. იყო თბილისის სახელმწიფო უნივერსიტეტის კვალიფიკაციის ამაღლების ფაკულტეტის დეკანი; პროფესორ ელიზბარ წითლანაძე პირველი ქართველი მათემატიკოსია, რომელმაც გაშალა თბილისში ნაყოფიერი მუშაობა ფუნქციონალური ანალიზის მიმართულებით. მისი სამეცნიერო ინტერესები ძირითადად ეხება არაწრფივ ფუნქციონალურ ანალიზს, ვარიაციათა აღრიცხვას და არაწრფივ ინტეგრალურ განტოლებათა მნიშვნელოვან პრობლემებს; თანაავტორია მონოგრაფიის "ფუნქციონალური ანალიზი", რომელიც მოსკოვში გამოიცა 1964 წელს. ეს მონოგრაფია თარგმნილია სხვადასხვა უცხოურ ენაზე; ავტორია ქართულ ენაზე გამოცემული მონოგრაფიის "ფუნქციონალური ანალიზის საფუძვლები". ამვე წლებში დაიბეჭდა მისი მესამე მონოგრაფია "თანამედროვე არაწრფივი ანალიზის ზოგიერთი ამოცანა". ე. წითლანაძე დიდ ყურადღებას აქცევდა ქართულ ენაზე სახელმძღვანელოების შექმნას. პროფ. ვლ. ჭელიძესთან ერთად იგი ავტორია ფიზიკის ფაკულტეტის სტუდენტებისათვის განკუთვნილი სახელმძღვანელოსი "მათემატიკური ანალიზის კურსი" ორ ტომად. იგი ამ სახელმძღვანელოს მესამე ტომის ავტორია. ძირითადი შრომები მიუძღვნა ფუნქციონალურ ანალიზსა და გლობალურ ვარიაციათა აღრიცხვას. მათემატიკოსი, ფიზიკა-მათემატიკური მეცნიერების დოქტორი (1951), პროფესორი (1955).

წყარო: ქართული საბჭოთა ენციკლოპედია: ტ. 11.-თბ., 1987.-გვ.323

Awards and Honors

1970 - საქართველოს მეცნიერებათა დამსახურებული მოღვაწე

Bibliography

მათემატიკური ანალიზის კურსი : სახელმძღვ. სტუდენტებისათვის (Co-Author) // ტ. 1. - თბილისი, თბილ. უნ-ტის გამ-ბა, 1989. - 637გვ.
ფუნქციონალური ანალიზის საფუძვლები : სახელმძღვ. უმაღლ. სასწავლებლებისათვის (Author). - თბილისი, ცოდნა, 1964. - 303გვ.