ანდრო ბულია

დაბადების ადგილი: ქ. ზუგდიდი.

დაამთავრა თბილისის რკინიგზის ტრანსპორტის ინჟინერთა ინსტიტუტი 1943 წელს.

1943-1965წწ. მუშაობდა საქართველოს კვების მრეწველობისა და მშენებლობის სამინისტროების სისტემაში სამუშაოთა მწარმოებლად, უფროს სამუშაოთა მწარმოებლად, სამშენებლო სამმართველოს უფროსად; 1965-1969წწ. იყო მშენებლობის სამინისტროს სამშენებლო ტრესტ "ბიჭვინთმშენის" მმართველო; 1969 წელს დაინიშნა საქართველოს საშენ მასალათა მრეწველობის მინისტრის მოადგილედ მშენებლობის დარგში, სადაც მუშაობდა 1973 წლამდე; შემდეგ გადაიყვანეს საქართველოს მშენებლობის სამინისტროს N1 სამშენებლო ტრესტ "ამიერკავკასმეტალურგმშენის" მმართველად; ასევე, იყო საქართველოს სასოფლო მშენებლობის სამინისტროს ერთ-ერთი სამშენებლო ტრესტის მმართველი; წლების განმავლობაში ხელმძღვანელობდა მრავალი მნიშვნელოვანი სამოქალაქო და სამრეწველო დანიშნულების ობიექტების მშენებლობას, როგორებიცაა: ბიჭვინთის მაღლივი პანსიონატების საერთაშორისო მნიშვნელობის საკურორტო კომპლექსი 3000 ადგილზე, სენაკის ხალიჩების კომბინატი, ზუგდიდის, წალენჯიხის, ქობულეთისა და ჯვარის ჩაის ფაბრიკები, გარდაბნის მუყაო-რუბეროიდის ქარხანა, კაჭრეთის წისქვილკომბინატი, გამარჯვების მეფრინველეობისა და მეცხოველეობის კომპლექსები; ასევე, საგანმანათლებლო, ადმინისტრაციული და საზოგადოებრივი დანიშნულების ობიექტები - თბილისში, რუსთავში, ზუგდიდში, გაგრაში, გუდაუთაში, თელავში, საგარეჯოსა და მარნეულში; იყო ერთ-ერთი პირველთაგანი, ვისი ხელმძღვანელობითაც, პირველად საქართველოში და ყოფილი საბჭოთა კავშირის ტერიტორიაზეც, განხორციელდა ანაკრები რკინაბეტონის კარკასული მაღლივი ნაგებობების მშენებლობა სეისმური ზემოქმედების ზონაში; დაჯილდოებული იყო სახელმწიფო ორდენებითა და მედლებით.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.102-103

• საქართველოს დამსახურებული ინჟინერი