ვაჟა ბურდული

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი, სამრეწველო და სამოქალაქო მშენებლობის სპეციალობით 1971 წელს.

1971-1975წწ. მუშაობა დაიწყო საქართველოს მშენებლობის სამინისტროს N10 სამშენებლო ტრესტში სამუშაოთა მწარმოებლად; 1976-1982წწ. საქართველოს მეცნიერებათა აკადემიის, სამშენებლო მექანიკის და სეისმომედეგობის ინსტიტუტის ასპირანტი და მეცნიერ-მუშაკი იყო; 1982-1986წწ. საქართველოს მშენებლობის საქმეთა სახელმწიფო კომიტეტში მშენებლობის სახელმწიფო ინსპექციის უფროსი და კოლეგიის წევრი იყო;1986-1988წწ. მუშაობდა საქართველოს კპ ცენტრალური კომიტეტის მშენებლობის განყოფილების ინსტრუქტორად; 1989-1993წწ. საქართველოს უცხოური ტურიზმის სამმართველოს მშენებარე ობიექტების გაერთიანებული დირექციის დირექტორი იყო; 1994 -2012წწ. - შპს "ინჟსერვისის" დირექტორი; 2014 წლიდან საქართველოს განათლების სამინისტროს ინფრასტრუქტურის სააგენტოში მშენებლობის მენეჯერია; მონაწილეობდა მნიშვნელოვანი ობიექტების მშენებლობაში: პირველი 16-სართულიანი კორპუსები თბილისში, სამთავრობო კომპლექსი მიუსერაში, მოტობლოკების ქარხანა ქუთაისში, ინტურისტის სასტუმრო "აფხაზეთი" სოხუმში, საავტომობილო გვირაბის, "ირგანაის" ჰიდროენერგო სადგურის მშენებლობა დაღესტანში; არის ტექნიკის მეცნიერებათა კანდიდატი, ათი სამეცნიერო შრომის ავტორი სამშენებლო მექანიკის დარგში. 

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.103-104