ნოშრევან ბურჭულაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი ინჟინერ-მშენებლის კვალიფიკაციით 1969 წელს.

1969-1973წწ. მუშაობდა ქ. ჩელიაბინსკის N4 სამშენებლო-სამონტაჟო ტრესტ "ხიდმშენის" მაგნიტოგორსკის N416 სამშენებლო სამმართველოში საკონსტრუქციო ბიუროს პროექტის მთავარ კონსტრუქტორად; 1973-1982წწ. ქ. თბილისის საპროექტო ინსტიტუტ "კავგიპროტრანსის" ხელოვნურ ნაგებობათა განყოფილების მთავარი ინჟინერი იყო; 1982-1986წწ. საქართველოს საავტომობილო გზების სამინისტროს კომბინატ "გვირაბხიდმშენინდუსტრიის" ტექნიკურ განყოფილებასა და საკონსტრუქტორო ბიუროს ხელმძღვანელობდა; 1986-1993წწ. საქართველოს საავტომობილო გზების სამინისტროს საწარმოო გაერთიანება "ავტოხიდის" დირექტორის მოადგილე იყო; 1993-1994წწ. მუშაობდა სახელმწიფო კონცერნ "საქავტოგზის" მცხეთის ხიდების სამშენებლო-სარემონტო სამმართველოს მთავარ ინჟინრად, ხოლო 1994-2000წწ. საქართველოს საავტომობილო გზების სახელმწიფო დეპარტამენტის შპს "მცხეთის ხიდების სამშენებლო-სარემონტო სამმართველოს" დირექტორად; 2000 წლიდან მუშაობს შპს "ხიდმშენი-99"-ის დირექტორად.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.105; წიგნი ღირსებისა: ტ. 1/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2000. - გვ.438

• 1996 - ღირსების მედალი
  ქ. ამბროლაურში მდინარე რიონზე ხიდის მშენებლობაში შეტანილი თვალსაჩინო წვლილისა და მისი მოკლე ვადაში დამთავრებისათვის